Maqedonia nesër shënon festën e Ilindenit

Maqedonia nesër do ta shënojë Ditën e Republikës “2 Gushtin” dhe dy Ilindenët historikë – 115 vite nga kryengritja e Ilindenit dhe 74 vite nga Mbledhja e parë e KAÇKM-së.

Delegacionin në Meçkin Kamen në Krushevë do ta kryesojë presidenti i Maqedonisë, Gjorge Ivanov. Në orën 9:30 do të vendoset kurorë me lule në varrin e Nikolla Karevit, ndërsa në orën 10 në Monumentin e Heronjve në vendin Sliva. Në orën 12 do të vendosen lule në Meçkin Kamen, pas çka presidenti Ivanov do të ketë fjalim.

Festimi në Qendrën Memoriale KAÇKM në Pelince do të fillojë në orën 11. Në delegacionin, të cilin do ta kryesojë kryeministri, Zoran Zaev, do të jenë ministri i Punëve të Brendshme, Oliver Spasovski, i Punëve të Jashtme, Nikolla Dimitrov, e Drejtësisë Renata Deskoska dhe i Kulturës, Asaf Ademi. Ata do të vendosin lule në Qendrën përkujtimore, ndërsa fjalimi i kryeministrit Zaev është paraparë për në orën 11.30 minuta.

Solemniteti në Pelince do të pasurohet me program kulturor, me pjesëmarrjen e korit “Vardar”, ansamblin “Tanec” dhe SHKA “Emin Duraku”.

Festimi në Shkup do të fillojë në orën 10:00 para monumenteve të KAÇKM-së dhe të Nikolla Karevit, ku lule do të vendosin kryetari i Kuvendit Talat Xhaferi dhe delegacioni qeveritar i përbërë nga ministrja e Punës dhe Politikës Sociale, Mila Carovska, ministri i Financave Dragan Tevdovski dhe i Diasporës Edmond Ademi.

Delegacioni në orën 10:30 do të vendosë lule para monumentit të Metodija Andonov-Çento, kryetari i parë i Prezidiumit të KAÇKM-së, ndërsa në orën 10:45 kryetari i Kuvendit, Xhaferi do të mbajë fjalim.

Ilindeni do të festohet edhe në Smilevë, ku shënohen 115 vite të Ilindenit dhe 76 vite nga aksioni i parë luftarak të aradhave partizane në rajonin e Manastirit dhe Prespës “Dame gruev” për çlirimin e Smilevës.

Si dhe vitin e kaluar, festimi është inspiruar nga Manifesti i Krushevës dhe logoja është : “Maqedonia jonë – pa dallime në religjion, përkatësi etnike, gjini dhe bindje. Sepse nga gjyshi – stërgjyshi jetojmë si vëllezër dhe motra në këtë vend! Për drejtësi, për liri dhe për jetë njerëzore”.

Dyzet e një vite pas Kryengritjes së Ilindenit, në Manastirin Shën Prohor Pçinski afër Kumanovës, 115 delegatë e mbajtën Mbledhjen e parë të KAÇKM-së (Kuvendi antifashist i çlirimit popullor të Maqedonisë), ku u konfirmua pozita shoqëroro-juridike e Maqedonisë si shtet i barabartë federal në korniza të FD Jugosllavisë. Mbledhjen e hapi Panko Brashnarov, delegati më i vjetër dhe dëshmitar i dy Ilindenëve. U zgjodh Presidiumi i KAÇKM-së, në krye me Metodija Andonov Çento.

Asambleja miratoi disa dokumente me rëndësi shtetërore – Vendimi për vendosjen e gjuhës maqedonase si gjuhë zyrtare në shtetin e Maqedonisë dhe Deklarata për të drejtat themelore të njeriut dhe qytetarit të Maqedonisë demokratike.