Maqedoni, prindërit e vetëm me të ardhura të ulëta nuk do të paguajnë për kopshtet

Të gjithë prindërit që kanë të ardhura mujore që arrijnë nën pagën me të ardhura të ulëta të përcakëtuar me ligj, nga sot do të përjashtohen nga pagimi për vendosjen e fëmijëve të tyre në kopsht, informojnë nga Ministria e Punës dhe Politikës Sociale.

Nga MPPS thonë se, do të mundësohet me ndryshimin e Rregullores për kushte, kritere dhe mënyrën e ushtrimit të së drejtës në shpenzimet e përkujdesjes së fëmijëve, edukimit, pushimit dhe rekreacionit të fëmijëve, nëpër shtëpitë publike për fëmijë, të botuar në Gazetën Zyrtare të Republikës së Maqedonisë.

Për të fituar të drejtën e participimit për kopshtet publike, të gjithë prindët të cilët i plotësojnë kushtet ligjore duhet të paraqesin një kërkesë me dokumentet e duhura të përcaktuar sipas Rregullores tek institucionet publike për fëmijë, në të cilët fëmijët qëndrojnë ose kujdesen për to.

Në deklaratën e Ministrisë së Punëve dhe Politikës Sociale thuhet se ministrja, Mila Carovska, miratoi ndryshimet në përpjekje për të mbështetur prinditë që përfshihen në programin e punës së Qeverisë.