Manchester Unitedi në bisedime me Juventusin për Douglas Costan

Manchester United thuhet se është në bisedime me Juventusin për një transferim prej 40 milionë eurosh për anësorin brazilian Douglas Costa.

Djajtë e Kuq janë të interesuar të përforcojnë edhe më shumë skuadrën për sezonin e ri dhe tashmë kanë gjetur objektivat e tyre për këtë verë.

Klubi nga Old Trafford tashmë ka etiketuar yllin e Juventusit, Douglas Costa, si objektiv real për ta transferuar.

Lexo po ashtu Revolucioni i Pirlos në Juventus: Lojtarët që largohen dhe ata që qëndrojnë

Sipas gazetës Tuttosport, drejtori sportiv i Juventusit, Fabio Paratici, ka qenë në kontakt me Djajtë e Kuq dhe mund të jetë i gatshëm të shesë brazilianin për 40 milionë euro këtë verë.

Paratici udhëtoi për në Angli këtë javë dhe mund t’i ofrojë Unitedit një alternative më të lirë për anësorin e Borussia Dortmund, Jadon Sancho, i cili vështirë se mund të arrihet nga anglezët.

Gazeta e bazuar në Torino sigurisht përmend një kthim të mundshëm edhe për Paul Pogba, duke pretenduar se paratë për Douglas Costa mund t’i ndihmojnë ata në përpjekjen e tyre për të rikthyer fituesin e Kupës së Botës në Allianz Stadium. /Telegrafi/