Manchester United përgatit ofertën për lojtarin që t’i plotësojë dëshirën e parë trajnerit Ten Hag

Erik ten Hag është trajner i ri i Manchester United, por që do ta marrë drejtimin e klubit nga sezoni i ri.

Trajneri holandez aktualisht mbanë postin te Ajaxi, por në fund të sezonit do të bashkohet me Djajtë e Kuq pasi zyrtarizimi i tij tanimë ka ndodhur.

Me ardhjen e Ten Hag pritet një revolucion te gjiganti anglez, ku pritet të ketë shumë largime dhe shumë emra të tjerë që do të vijnë.

Dëshira e parë e trajnerit holandez është transferimi i mesfushorit holandez Frenkie de Jong.

Reprezentuesi holandez është duke shkëlqyer me Barcelonën, por që Djajtë e Kuq janë duke përgatitur ofertë për t’i marrë shërbimet e tij.

Mediat në Angli kanë raportuar se United po bën gati një ofertë prej 75 milionë eurove për ta transferuar holandezin nga Camp Nou, edhe pse një gjë e tillë nuk do të jetë aspak e lehtë, pasi De Jong është ndër lojtarët kryesorë të katalunasve.

Ten Hag e do jashtëzakonisht shumë De Jongun pasi kishin arritur suksese të mëdha së bashku te Ajaxi.

Gjithsesi mbetet të shihet nëse Barcelona do të pranojë ofertën e Djajve të Kuq, të cilët do të tentojnë me çdo kusht transferimin e tij. /Telegrafi/