Manchester United e ka fituar derbin e xhiros së parë të grupit H të Ligës së Kampionëve, duke e mposhtur në udhëtim Paris Saint Germain me rezultat 2-1.
Skuadra e Ole Gunnar Solskjaer, si para dy vitesh, golin e fitores në ‘Parkun e Princave’ e shënoi në fund të ndeshjes.
Bruno Fernandes i dha epërsinë 1-0 Manchester Unitedit kur shënoi nga penalltia në minutën e 23’ dhe atë pasi u përsërit dy herë.
PSG tentuar ta barazojnë rezultatin në pjesën e parë, por nuk ia arritën.
Vendasit arritën barazimin vetëm në pjesën e dytë, kur në minutën e 55’, kur Anthony Martial shënoi autogol.
Për fitoren e Manchester United u përkujdes Marcus Rashford, duke shënuar një gol të bukur ne hyrje të zonës në minutën e 87-të për 2-1.
Manchester United merr tri pikët e para në Ligën e Kampionëve. /Telegrafi/
