Manchester City eliminon PSG-në, shkruan historinë duke kaluar për herë të parë në finale të Ligës së Kampionëve

Manchester City ka shënuar fitore ndaj PSG-së edhe në ndeshjen kthyese të gjysmëfinales së Ligës së Kampionëve me rezultat 2-0.

Qytetarët kanë kaluar për herë të parë në histori të klubit në finalen e Ligës së Kampionëe, pas fitores me rezultat të përgjithshëm 4-1.

Në fillimin e ndeshje PSG fitoi një penallti, pasi u mendua që Oleksandr Zinchenko luajti me dorë. Por pas shikimit në VAR, gjyqtari e anuloi.

Pas këtij episodi ishin anglezët që shënuan në minutën e 11-të.

https://twitter.com/NewsFTBL/status/1389659674480451584

Riyad Mahrez gjeti rrjetën pas disa pasimeve të mira të Manchester Cityt (1-0).

PSG ka rrezikuar dy herë  seriozisht portën pas golit të pranuar, me Marquinhos dhe Agnel Di Maria, por nuk ishin të saktë.

Deri në fund të pjesës së parë nuk kishte më raste të mira dhe City shkoi në pushim me një gol epërsi.

HALF TIME | So far so good 👌

🔵 1-0 🔴 (3-1) #ManCity | https://t.co/axa0klD5re pic.twitter.com/InlklTGXgE

— Manchester City (@ManCity) May 4, 2021

Me rastin e parë të mirë në pjesën e dytë Manchester City gjeti edhe golin e dytë.

Zhvillohej minuta kur nga një kundërsulm model, De Bruyne nisi aksionin ku pasoi te Phil Foden i cili e gjeti në zonë Riyad Mahrezin, i cili nga afër nuk e kishte të vështirë të shënonte për 2-0.

https://twitter.com/yuslule/status/1389681193990426628

Në minutën e 70-të PSG mori edhe goditjen e fundit, kur Angel Di Maria u ndëshkua me karton të kuq direkt.

City kishte mundësi që të shënonte me Phil Foden, por goditja e tij në minutën e 77-të u ndal në shtyllë.

Deri në fund ndeshja nuk kishte histori dhe Manchester City me të drejtë feston kalimin në finale. /Telegrafi/