Man Utd tallet në mënyrë të shkëlqyer me Cityn pas debaklit në Ligën e Kampionëve

Tifozët vunë re mënyrën e shkëlqyeshme se si Manchester United u tall me rivalët e tyre të qytetit, Manchester City, pas debaklit të tyre në Ligën e Kampionëve.

Vitet e fundit, madje edhe në dekadën e fundit, United nuk ka pasur shumë shanse të tallet me rivalin e tyre më të madh të qytetit që dominon futbollin anglez dhe atë evropian. Mirëpo, mbrëmë kanë shfrytëzuar rastin e parë të tillë.

Manchester City përjetoi një debakël të madh në Ligën e Kampionëve pasi u mposht nga Sporting Lisbona me rezultat 4-1. Trajneri i tyre, Ruben Amorim, po numëron orët e fundit në stolin e asaj skuadre dhe së shpejti do të kalojë te Djajtë e Kuq.

Ata e përdorën atë në Old Trafford për të tallur rivalin e tyre të qytetit në një mënyrë të shkëlqyer, pa shkruar as një shkronjë për atë lojë.

Menjëherë pas përfundimit të ndeshjes Sporting – Manchester City, United publikoi sërish të njëjtin njoftim si pak ditë më parë kur Amorim u njoftua zyrtarisht si trajneri i ri i Manchester United.

United ka “ripostuar” një cicërimë në faqen zyrtare në Tëitter se Amorim po vjen në bankinën e këtij klubi, simbolikisht në momentet kur ky njeri dhe skuadra e tij demoluan Cityn.

Sigurisht që të gjithë fansat e kuptuan menjëherë këtë shaka gjeniale dhe “të shëndetshme” për të cilën njihen klubet angleze.

Amorim do të marrë drejtimin e United më 11 nëntor dhe do të ketë pak kohë gjatë pushimit ndërkombëtar për të kontrolluar se çfarë ka në dispozicion në skuadrën e re. /Telegrafi/