Man Unitedi tregon çmimin që kërkon për Pogban

Manchester Unitedi tashmë thuhet se ka bërë të ditur çmimin që kërkon për ta lënë të lirë yllin francez, Paul Pogba.

Reprezentuesi francez vazhdon të jetë i lidhur me një largim nga Old Trafford, vetëm dy sezone pas transferimit rekord nga Juventusi.

Pogba nuk po kalon kohë të mira me trajnerin e Djajve të Kuq, Jose Mourinhon dhe kjo marrëdhënie thuhet se e ka shtyrë drejt largimit.

Lexo po ashtu PSG gati spastrimin, gjashtë lojtarë drejt largimit – Pogba dhe Griezmann drejt kryeqytetit francez

Skuadrat e interesuara për shërbimet e tij nuk mungojnë dhe janë disa nga gjigantët evropianë që duan shërbimet e tij.

Francezët e Ligue 1, Paris Saint-Germain dhe gjigantët nga La Liga, Real Madridi, janë midis atyre skuadrave që raportohen të jenë të etura për transferimin e Pogbas.

Megjithatë, Unitedi, do ta linte të lirë yllin e tyre vetëm nëse çmimi i tyre i kërkuar për mesfushorin të jetë plotësuar.

Lexo po ashtu Man Utd përfshinë Pogban në ofertën për Bale

Sipas tabloidit britanik Daily Mail, Unitedi do të kërkojë 140 milionë funte apo plot 160 milionë euro në çdo marrëveshje verore që përfshin Paul Pogban.

Për francezin është folur edhe rreth një rikthimi te Juventusi në Serie A, por kjo ka më pak gjasa të ndodh. /Telegrafi/