Lufta Izrael – Hamas, Bella Hadid thyen heshtjen duke reaguar për herë të parë: Më kanë kërcënuar me vdekje

Bella Hadid më në fund ka reaguar për ‘tmerrin’ që po përjeton mbi luftën Izrael-Hamas pasi mori ‘kërcënime me vdekje’ nga njerëzit.

Modelja, 27 vjeçe, e cila është gjysmë palestineze përmes babait të saj, Mohamed Hadid, ka heshtur për konfliktin në Lindjen e Mesme, ndërsa Izraeli godet Gazan në përgjigje të sulmeve terroriste të Hamasit më 7 tetor.

Bella tani ka bërë një deklaratë në rrjete sociale duke adresuar heshtjen dhe duke u kërkuar falje njerëzve – përpara se të zbulonte se kishte marrë “kërcënime me vdekje” në dy javët e fundit.

View this post on Instagram

A post shared by Bella ? (@bellahadid)

Javën e kaluar u raportua se anëtarë të shumtë të familjes Hadid, përfshirë motrën e saj Gigi, u detyruan të ndryshonin numrat e tyre, me babanë Mohamed që madje kontaktoi FBI-në për kërcënimet.

Në një deklaratë në Instagram së bashku me imazhet e tmerrit në Gaza, ajo filloi duke u kërkuar njerëzve të ‘më falin për heshtjen time’.

Lexo po ashtu Mbështetën publikisht Palestinën, Gigi Hadid dhe familja e saj marrin kërcënime me vdekje dhe detyrohen të ndryshojnë numrat e tyre të telefonit

“Nuk kam gjetur ende fjalët ideale për këto dy javë të fundit thellësisht të ndërlikuara dhe të tmerrshme, javë që kanë kthyer vëmendjen e botës drejt një situate që ka marrë jetë të pafajshme dhe ka prekur familjet për dekada”.

“Më janë dërguar qindra kërcënime me vdekje çdo ditë, numri im i telefonit është zbuluar dhe familja ime është ndjerë në rrezik. Por unë nuk mund të hesht më”, tha ajo.

Ajo dënoi sulmet ajrore izraelite dhe sulmet terroriste të Hamasit, “pavarësisht historisë së tokës”, duke thënë “askush nuk duhet të hiqet nga familja e tyre” dhe “nuk bën asgjë për lëvizjen e Palestinës së Lirë”.

“Është e rëndësishme të kuptosh vështirësinë e asaj që do të thotë të jesh palestinez, në një botë që na sheh si asgjë më shumë se terroristë që i rezistojnë paqes. Është e dëmshme, është e turpshme dhe kategorikisht e pavërtetë”.

Ajo tregoi se babai i saj ka lindur në Nazaret ‘në vitin e Nakba… shpërnguljes së 750,000 palestinezëve në 1948’, duke shkruar se ai dhe familja e tij ‘u dëbuan nga shtëpia e tyre në Palestinë, duke u bërë refugjatë, larg një vendi që dikur e quajti shtëpi’.

Ajo përfundoi: “Unë qëndroj me njerëzimin, duke e ditur se paqja dhe siguria na përkasin të gjithëve”. /Telegrafi/