Lori Hoxha mesazh për Arbana Osmanin: Të dyja nuk ia kemi nevojën njëra-tjetrës

Sonte (e shtunë) do të fillojë edicioni i tretë i Big Brother VIP Kosova.

Në krye të këtij formati të dashur nga publiku do të jetë Ledion Liço, i cili kthehet në ekran për të përshëndetur fillimin e edicionit të ri si prezantues i këtij show televiziv.

Për disa vite me radhë, Arbana Osmani ka qenë fytyra e njohur si moderatorja e këtij reality show, por sot ajo i ka lënë vendin mikut të saj të vjetër, Ledionit. Në pritje të spektaklit të së mbrëmjes, Arbana ka zgjedhur të ndajë me ndjekësit e saj një mesazh plot ndjenjë dhe përkushtim, në të cilin shpreh falënderime dhe urime për ato që mezi presin të nisin udhëtimin e tyre të ri në BB VIP.

Lexo po ashtu Një Big Brother pa Arbanën? Moderatorja e njohur ka disa fjalë për të thënë para nisjes së BBVA 3

Arbana shkruan me një zë të mbushur me mirënjohje: “Sonte fillon aventura e BB Vip, një aventurë e jashtëzakonshme televizive, pjesë e së cilës kam patur fatin dhe privilegjin të jem për shumë vite me radhë. Përjetë falenderuese dhe mirënjohëse Tanit që më zgjodhi atëherë kur besim te unë nuk kishte askush, dhe Lorit e Sares me të cilat vazhduam për dy vite të gozhdojmë shqiptarët para ekranit për muaj me rradhe duke bërë bashkë gjithë familjen. Shume suksese sonte mikut tim te vjeter Ledion Liço dhe gocave te mia, ju shkëlqeni si gjithmonë. E në fund faleminderit juve, ndjekësve të mi, për te gjithë vleresimin dhe dashamiresinë karshi meje. Ju lexoj dhe ju shoh gjithmonë. Ju dua”.

View this post on Instagram

A post shared by Arbana Osmani (@arbanao)

Lori Hoxha, një tjetër figurë e rëndësishme në rrugëtimin e “Big Brother” dhe i cili ka qenë pjesë e skuadrës që ka pasur një rol në sukseset e Arbanës, ka dhënë gjithashtu një reagim. Lori ka shprehur krenarinë e saj për rrugëtimin e bërë së bashku me Arbanën dhe ka theksuar vlerat e vendimmarrjes së përbashkët, duke lënë të kuptohet se miqësia dhe respekti profesional që kanë ndaj njëra-tjetrës është i thellë dhe do të vijojë edhe në të ardhmen.

Lexo po ashtu Pak orë nga nisja e BBVA 3 - gjithçka nga ajo që flitet: Banorët, opinionisët, prezantuesi dhe çmimi i madh

Ndërsa mbrëmja e madhe po afron, të gjithë janë të ngazëllyer për të parë si do të zhvillohet episodi i parë i “Big Brother VIP Albania” nën moderimin e Ledion Liços. Fansat, të cilët kanë ndjekur me vëmendje edicionet e kaluara, janë të etur të shohin se si do të shpërfaqen personazhet e reja që do të hyjnë në shtëpinë e famshme dhe se cilat do të jenë dinamikat e reja që do të lindin në këtë rrugëtim televiziv. /Telegrafi/