Londinezët të hutuar nga skulptura e pazakontë e lopës e cila është vendosur në Westminster

Londinezët kanë mbetur të hutuar nga një pamje e çuditshme jashtë Dhomës së Parlamentit – një skulpturë lope me përmasa reale me një llambë rruge të stilit viktorian që dilte nga pjesa e poshtme e saj.

Statuja e pazakontë, e kompletuar me kopjen e llambës së kanalizimeve të shekullit të 19-të, u vendos në Westminster për të nxjerrë në pah sesi jashtëqitjet e bagëtive në fermë mund të përdoren si burim energjie të rinovueshme.

Kooperativa më e madhe e qumështit në Mbretërinë e Bashkuar, Arla, qëndron pas marifetit të llambave të lopës, në një përpjekje për të tërhequr vëmendjen ndaj potencialit të biogazit – i cili rrjedh nga jashtëqitjet e lopëve dhe mbetjet e ushqimit, raporton Mirror, transmeton Telegrafi.

Biogazi dikur ishte një element kryesor i Britanisë në Periudhën Viktoriane, pasi inxhinieri nga Birminghami, Joseph Edmund Webb, patentoi një llambë të gazit të kanalizimeve të ushqyer nga emetimet që vinin nga kanalizimet e Londrës.

Dhe pas njoftimit të qeverisë muajin e kaluar për një strategji të re madhore për të ofruar siguri energjetike dhe zero neto, është sugjeruar se jashtëqitja e lopëve mund të ndihmojë në zgjidhjen e krizës së sigurimit të energjisë në Mbretërinë e Bashkuar, me një strategji mbarëkombëtare për tretjen anaerobe të mbetjeve bujqësore dhe ushqimore. /Telegrafi/