Locatelli te Juventusi, marrëveshja mund të mbyllet të premten

Juventusi më në fund mund të arrijë një marrëveshje me Sassuolon për Manuel Locatelli në takimin e së premtes, ndoshta për një shifër prej 35 milionë euro.

Negociatat janë zvarritur për muaj, por ishte e qartë se italiani donte vetëm “Zonjën e Vjetër”.

Ai refuzoi oferta shumë më të mëdha nga Arsenali, si në lidhje me tarifën e transferimit prej 40 milionë euro plus bonuset, por edhe pagën e tij që ishte më e lartë, për të pritur për Juven.

Sipas raportimeve të ndryshme nga mediat, marrëveshja duket të jetë afër dhe pritja e lojtarit do të shpërblehet.

Sportitalia shkruan se një takim është caktuar për të premten, ku aty do të jenë edhe hierarkia e lartë e Juventusit, si Andrea Agnelli dhe Maurizio Arrivabene.

Gjatë telefonatave të sotme, të dy klubet dukeshin të përgatitura për të bërë një hap drejt njëri -tjetrit dhe për të zgjidhur çështjen.

Sassuolo mund të bjerë nga 40 milionë euro në 35 milionë  euro – çmimi i kërkuar, ndërsa Juve duhet të rrisë ofertën e tyre të mëparshme prej 30 milionë  euro përfshirë bonuset.

Mund të jetë edhe një marrëveshje me huazim me detyrimin blerje, që t’ia mundësojë Juventusit të shpërndajë koston në bilancet disavjeçare./Telegrafi/