Locatelli prioritet ka qëndrimin në Serie A

Manuel Locatelli është njëri nga mesfushorët më të mirë këtë edicion në elitën e futbollit italian Serie A.

Mesfushori italian ka pasur një vit të jashtëzakonshëm me Sassuolon, ku ka bartur barrën kryesore të skuadrës në mesfushë.

Falë paraqitjeve fantastike këtë edicion, ylli i ri italian është bërë objektiv i shumë skuadrave të mëdha.

Barcelona, Paris Saint Germain, Chelsea, Manchester City, Arsenal, Roma dhe Juventus janë duke këruar shërbimet e mesfushorit defensivë.

Por ka qenë e përditshmja italiane Tuttosport që ka raportuar se dëshira e Locatellit është që të vazhdoj karrierën në Serie A.

Së fundmi është përfolur edhe për një transferim të tij te Shakhtar Donetsk për ta ndjekur trajneri Roberto De Zerbi, por kjo është hedhur poshtë.

Juventusi vazhdon të mbetet skuadra favorite për të nënshkruar me italianin që këtë edicion ka zhvilluar 33 ndeshje me Sassuolon dhe ka shënuar katër gola e ka bërë tre asistime.

Sassuolo nuk mund ta mbajë më gjatë lojtarin në radhët e veta dhe për ta lënë të lirë po kërkon 40 milionë euro. /Telegrafi/