Liverpooli nuk di të ndalet, mposht Tottenhamin dhe vazhdon kryesimin në Ligën Premier

Liverpooli ka marrë një fitore të madhe në udhëtim tek Tottenham Hotspur 1-2.

Skuadra e drejtuar nga Jurgen Klopp ishte më e mirë në fushë që nga fillimi i kësaj sfide.

Por për ta parë golin e parë në këtë sfidë u desh të pritej minuta e 39-të e kësaj ndeshje.

Kapiteni James Milner harkoi nga këndi, ndërsa mesfushori holandez Wijnaldum shënoi me kokë për 0-1.

Me epërsinë minimale të Liverpoolit 0-1 përfunduan 45 minutat e para të kësaj sfide.

Pjesën e dytë vendasit e nisën duke sulmuar për ta gjetur golin e barazimit.

Por Alisson dhe Liverpooli shpëtuan pasi goditja nga Lucas Moura u ndal vetëm nga shtylla.

Sadio Mane u kundërpërgjigj pas disa minutave por pa arritur cakun.

E për ta dyfishuar epërsinë e Liverpoolit u përkujdes sulmuesi brazilian Roberto Firmino që shënoi nga afërsia pas një gabimi në mbrojtje për 0-2 në minutën e 54.

Deri në fund Tottenham krejt çka arriti të bëj është të shënonte golin ngushëllues me anë të zëvendësuesit Erik Lamela në minutën e 93-të.

Kësisoj Liverpool vazhdon dominimin në Ligën Premier pasi në pesë javë ka marrë po aq fitore.

https://twitter.com/SportJunkie8/status/1040936197051305984

Në anën tjetër për Tottenham kjo ishte humbja e dytë rresht pasi shënoi tri fitore në tri ndeshjet e para.

Ekipi i drejtuar nga Jurgen Klopp në javën e ardhshme pret Southamptonin, ndërsa Spurs luajnë në udhëtim tek Brighton. /Telegrafi/

https://twitter.com/DeepakLahari/status/1040947614076686336