Liverpooli konsideron një ofertë për Khediran

Skuadra angleze, Liverpooli po merr në konsideratë të bëjë një ofertë për mesfushorin gjerman, Sami Khedira.

Emra Can është në vitin e fundit të kontratës me Liverpoolin dhe pritet të largohet gjatë afatit kalimtar veror, pasi nuk kanë arritur marrëveshje vazhdimi.

Mesfushori gjerman me shumë mundësi do t’i bashkohet gjigantit italian, Juventusi, me italianët që tashmë kanë bërë kontaktet e para dhe thuhet se ka arritur marrëveshje.

Lexo po ashtu Emre Can i thotë 'Po' Juventusit?

Me ardhjen e Canit në Allianz Stadium, Juventusi thuhet se do të ketë nevojë të lirojë një vend në mesfushë dhe Khedira mund të jetë i pari në listë.

Largimi i Khediras thuhet se ka alarmuar gjigantin anglez Liverpoolin, të cilët duan të ‘rrëmbejnë’ lojtarin e Juves.

Sipas mediumit britanik The Sun, Liverpooli po shikon mundësinë të nënshkruaj me Khediran, kur Cani të shkoj në kahen e kundërt.

Lexo po ashtu Marchisio dhe Khedira po kërkohen në MLS

Ndryshe, Khedira është momentalisht 31-vjeçar dhe çmimi i tij mund të sillet nga 10-20 milionë euro.

Për mesfushorin gjerman mendohet se ka oferta edhe nga Mayor League Soccer dhe Superliga e Kinës. /Telegrafi/