Boksieri shqiptar i cili jeton dhe vepron në Gjermani, Drilon Rama, është shpallur fitues i Big Brother VIP Kosova 3.

Në vendin e dytë u rendit Xheneta Fetahu dhe në vendin e tretë, Vullnet Krasniqi.

Këngëtari Naim Bunjaku – Xuxi u rendit i katërti në finalen e madhe, duke vazhduar kështu gara e madhe mes Drilonit, Vullnetit dhe Xhenetës.

Aktorja Sara Kolami është finalistja e parë e eliminuar nga pesëshja finaliste e Big Brother VIP Kosova 3.

Është mbyllur tashmë zyrtarisht televotimi për fituesin.

Publiku mbetet në ankth dhe në pritje drejt rezultatit final.

E befasia e fundit në këtë mbrëmje ishte rezervuar për boksierin Drilon Rama.

Atij i erdhën për vizitë prindërit dhe motra, duke i dhënë kurajë drejtë fitores së çmimit të madh.

Gazetari Vullnet Krasniqi është dërguar nën përcjelljen e kamerave në fshatin e tij, Negroc të Drenicës.

Atje e pritën familjarët e tij, dhe i njëjti pati mundësinë që ta uronte babanë e tij për ditëlindje, duke i çuar edhe një tortë me qirinj.

Si surprizë, atij iu kumtua lajmi se do t’i renovohet shtëpia në fshatin e tij, e që njëherësh është edhe vendi prej nga ku ai bën punën e tij si gazetar.

Familja e finalistes Sara Kolami kanë ardhur enkas nga Shqipëria dhe Greqia për vizitë në finale.

Ata u argëtuan me muzikë greqisht nga këngëtari i njohur korçar, Devis Xherahu.

Banorja Xheneta Fetahu e cila ka qenë një prej konkurrenteve më të zhurme të këtij edicioni, është befasuar nga vëllai i saj.

Ai ka ardhur enkas nga Suedia për ta vizituar dhe për t’i bërë një surprizë, e cila në këtë finale është improviaur në një bisedë podcasti.

Këngëtari Xuxi është befasuar me një vizitë nga njerëzit e tij më të shtrenjtë në finalen e Big Brother VIP Albania 3.

Prezent për t’i bërë befasi ishin gruaja e tij, Ardiana, djali me nuse, vajza dhe motra e tij.

Naim Bunjaku – Xuxi, finalisti i këtij edicioni, i është rikthyer pas shumë vitesh këndimit duke interpretuar në finalen e BBVK 3.

Ai këndoi live këngën e tij “Eja më merr”, e cila ka qenë një hit i kohës.

Xuxi për vite të tëra nu ka kënduar për shkak të problemeve me zërin.

Është prezantuar dukja e pesë yjeve të mbrëmjes.

Drilon Rama, Sara Kolami, Naim Bunjaku (Xuxi), Vullnet Krasniqi dhe Xheneta Fetahu po shkëlqejnë me dukjen e tyre elegante.

Mbrëmja finale ka nisur tashmë zyrtarisht në ‘Klan Arena’ nën prezantimin e Jonida Maliqit dhe Alaudin Hamiti.

Qindra fansa po e ndjekin nga afër përfundimin e spektaklit shumë të shikuar në Kosovë.

Të shtunën po përmbyllet aventura mbi 100 ditore e spektaklit shumë të ndjekur, Big Brother VIP Kosova 3.

Pesë finalistët sonte mbyllin garën, me njërin prej tyre që do të rezultojë fituesi i kësaj aventure.