Lista Serbe mirëpret aksionin e policisë në veri: Veprime të tilla profesionale do ta kenë gjithmonë mbështetjen tonë

Lista Serbe ka bërë një reagim lidhur me aksionin e sotëm policor në veri.

Si rrallë herë, ky subjekt politike ka mirëpritur aksionin e policisë së Kosovës në veri të Kosovës.

”Lista Serbe mirëpret aksionin e policisë nga Rajoni-Veri, i cili u zhvillua sot me qëllim të luftimit të krimit në fushën e narkotikëve, i cili në radhë të parë i mbron rininë dhe fëmijët tanë nga kjo murtajë që shkatërron çdo shoqëri”, thuhet në njoftim.

Lista Serbe ka thënë se me këtë aksion u tregua se edhe punonjësit e policisë që i përkasin rajonit të veriut kanë kapacitete për të luftuar krimin.

Lexo po ashtu Aksioni në veri: Zyrtarët e policisë dhe doganës janë gjuajtur me armë zjarri, u zbulua laboratori ku kultivohej kanabis

“Ky veprim tregoi se punonjësit e policisë së Qarkut-Veri kanë aftësinë dhe kapacitetin për tëaksioni kund kundërshtuar krimin. Shfrytëzojmë rastin të theksojmë se në emër të Listës Serbe dhe popullit tonë dënojmë veprime të tilla kriminale të individëve”.

Lista Serbe thotë se aksione të tilla ku policia kryen veprime profesionale do t’i mbështetë gjithmonë.

“Ne i japim mbështetje të plotë policisë së Rajonit-Veri që të vazhdojë me veprime të tilla dhe të mos lejojë individë që me aktivitetet e tyre kriminale të kriminalizojnë gjithë veriun, ku jetojnë njerëz dhe mikpritës të ndershëm. Duam të bëjmë të qartë se sa herë që policia kryen veprime profesionale si kjo, gjithmonë do të ketë mbështetjen e Listës Serbe dhe qytetarëve tanë”, thuhet ndër të tjera në reagimin e tyre./Telegrafi/