Lidhja Europiane për Ndryshim: Respektojmë besimet, por kundërshtojmë provokimet fetare

Në një deklaratë të sotme, Lidhja Europiane për Ndryshim shpreh shqetësimin për vendosjen e një kryqi gjigand në Kodrën e Diellit dhe bën thirrje për moskeqpërdorimin e simboleve fetare për të krijuar tensione ndëretnike dhe ndërfetare.

Drejtuesit e subjekteve të Lidhjes Europiane për Ndryshim përmendin se ata nuk janë kundër simboleve fetare të asnjë besimi, por janë kundër keqpërdorimit të tyre për të krijuar konflikte. Ata theksojnë se në Kodrën e Diellit ka objekte kulti të myslimanëve dhe ortodoksëve, por vendosja e kryqit krijoj përshtypjen se synohet të shkaktojë tensione mes qytetarëve.

Drejtuesit bëjnë thirrje për veprime urgjente nga Komisioni për Marrëdhënie ndërmjet Bashkësive Fetare, Kisha Ortodokse Maqedonase, dhe Inspektorati Shtetëror për Ndërtimtari dhe Urbanizëm. Ata kërkojnë heqjen e kryqit dhe mbajtjen e paqes, duke shmangur instrumentalizimin e simboleve fetare për qëllime politike.

Lidhja Europiane për Ndryshim shprehet se është e interesuar që komunitetet fetare në vend të jenë fisnikërim i jetës shpirtërore të qytetarëve dhe thërret për respekt dhe bashkëjetesë ndër-religjioze në vend. Në fund, theksohet se Lidhja nuk do të heshtë ndaj provokimeve që synojnë prishjen e paqes dhe harmonisë në vend. /Telegrafi/