Lëvizje e pazakontë, bashkëpartiaku i Trumpit kërkon që amerikanët të distancohen prej ish-presidentit amerikan

Një kryebashkiak i Partisë Republikane në Arizona tha se ai tani “nuk e njeh” partinë e tij, ndërsa fliste në një tubim elektoral në Glendale duke e shprehur hapur mbështetjen e tij për Kamala Harrisin.

Kryebashkiaku i qytetit Mesa, John Giles, duke iu referuar ish-presidentit amerikan, Donald Trump, deklaroi se partia e tij është “marrë nga ekstremistët që janë të përkushtuar për të detyruar njerëzit në qendër të spektrit politik të largohen nga Partia Republikane”.

“Kështu që unë kam diçka për t’u thënë atyre prej nesh që janë në mes të politikës: Ju nuk i detyroheni asgjë asaj partie politike”, tha republikani në tubimin që tërhoqi një turmë prej 15,000 njerëzish, shkruajnë mediat e huaja, përcjell Telegrafi.

“Në veçanti, ju nuk i detyroheni asgjë një partie që është jashtë kontaktit dhe është e vendosur ta kthejë vendin tonë prapa. Dhe me çdo kusht, ju nuk i detyroheni asnjë besnikëri një kandidati që është moralisht dhe etikisht i falimentuar”, vazhdoi Giles.

Mesa, AZ Republican Mayor John Giles: I do not recognize my party. I have something to say to those of us who are in the middle: You don’t owe a damn thing to that party. You don’t owe anything to a party that is out of touch and hell-bent on taking us backward. And by all means,… pic.twitter.com/8vpQmdxsPx

— Acyn (@Acyn) August 9, 2024

Bëhet e ditur se vërejtjet nga Giles, i cili ka duartrokitur më parë Shtëpinë e Bardhë të presidentit demokrat, Joe Biden, dhe një herë paralajmëroi se Trump nuk do të largohej nga posti nëse do të fitonte një mandat të dytë presidencial, vijnë vetëm disa ditë pasi kryebashkiaku e cilësoi kandidaturën aktuale të Trumpit si “kërcënimi më i madh i vlerave dhe institucioneve amerikane”.

Ndryshe, Giles është bashkëkryetar i komitetit të fushatës së republikanëve dhe në një shkrim të botuar muajin e kaluar, tha se Partia Republikane ka një “përgjegjësi morale dhe etike për të rivendosur besimin në institucionet demokratike”.

“Ju lutem, ju lutem, bashkohuni me mua në vendosjen e vendit para partisë dhe ndalimin e Donald Trumpit dhe mbrojtjen e shtetit të së drejtës, mbrojtjen e Kushtetutës sonë dhe mbrojtjen e demokracisë së këtij vendi të madh”, i tha Giles turmës. /Telegrafi/