Letra emocionuese e Rashicës për ish-klubin e tij: Faleminderit nga thellësia e zemrës, nuk do ta harrojë kurrë kohën me ju

Milot Rashica arriti ta bëjë një hap të madh në karrierën e tij duke u larguar nga Vitesse për t’iu bashkuar Werder Bremenit.

Sulmuesi i talentuar nga Kosova i kushtoi më shumë se shtatë milionë euro ish-kampionëve të Gjermanisë.

Por kohën e mrekullueshme të kaluar në Arnhem nuk e ka harruar lehtë vushtrriasi.

Ai ka shkruar një letër të gjatë duke falënderuar të gjithë në klubin e Vitesses por edhe tifozët verdh e zi.

“Unë jam duke i shikuar dy vite e gjysmë të mrekullueshme me të gjithë ju. E mbaj mend ditën time të parë në qytetin e juaj të bukur. Gjithmonë së bashku me shokët e mi me krenari kemi dhënë gjithçka nga vetja për klubin dhe tifozët”, tha ndër tjera Rashica.

“Ishte e pabesueshme kur arritëm të marrim Kupën ‘KNVB Beker’, isha shumë i lumtur me të gjithë ju”, vazhdoi tutje Miloti.

“Werder më kërkuan shumë të luaja me ta dhe më duhej ta merrja një vendim shumë të vështirë”.

“Qëllimi i një sportisti duhet të jetë për ta arritur maksimumin, aq sa është e mundur. Ardhja e një shansi për të luajtur në Bundesliga me Werder Bremen është thjesht një mundësi e madhe”, shkroi Rashica.

Ai në fund i ka falënderuar nga zemra të gjithë në qytetin e bukur të Arnhem.

“Unë kurrë nuk do ta harroj se të gjithë ju më keni ndihmuar për të arritur këtu dhe për t’i ndjekur ëndrrat e mija”.

“Këto fjalë janë nga thellësia e zemrës, nuk do ta harrojë kurrë kohën me ju. I uroj skuadrës gjitha të mirat dhe suksese. Ju lutem, më mbani mend mua si njëri nga ju dhe më dëshironi fat për këtë sfidë të re”, ka shkruar reprezentuesi kosovar.

Rashica iu bashkua Vitesses në verën e vitit 2013 nga klubi kosovar Vushtrria.

Ai në tri vite ka arritur të zhvilloj 100 ndeshje me klubin verdh e zi duke shënuar 13 gola dhe duke bërë 20 asistime. /Telegrafi/