Legjenda e Barcelonës, heroi i triumfit në Ligën e Kampionëve kthehet për të filluar karrierën e trajnerit në La Masia

Legjenda e Barcelonës, Juliano Belletti, është rikthyer në klub 16 vite pas largimit, për t’iu bashkuar ekipit të trajnerëve në akademinë La Masia.

Belletti, 47 vjeç, e shkroi veten në historinë e Barcelonës në vitin 2006, duke shënuar kundër Arsenalit pas një pasimi nga zonë nga Henrik Larsson.

Ky ishte goli që i solli Barcelonës fitoren 2-1 dhe titullin e dytë të Ligës së Kampionëve për klubin.

Sipas gazetës Sport, braziliani tani është kthyer në klub, ku do të trajnojë si asistent me skuadrën Juvenil A (U-19), duke asistuar Oscar Lopez dhe Gerard Sarra në detyrat e tyre.

Më parë, Belletti ka pasur përvojë si ndihmës menaxher në Cruzeiro, dhe si menaxher i ekipit U-20 vjeç në Sao Paulo, një rol që ai e përsëriti në qershor.

Belletti mbërrin menjëherë pas një tjetër prej shokëve të tij të skuadrës në vitin 2006, pas inkorporimit të Decos si drejtor sportiv.

Sezonin e kaluar një tjetër ish-yll i Barcelonës ishte i përfshirë në stërvitjen e U-19-ve, Javier Saviola, por argjentinasi vendosi të vazhdojë pas vetëm një sezoni në La Masia. /Telegrafi/