Leeds United refuzon ofertat e West Ham për Kalvin Phillips dhe Raphinha

Përpjekjet e West Ham United për të transferuar Raphinha dhe Kalvin Phillips nga Leeds United kanë dështuar, pasi klubi nga “Elland Road” kanë refuzuar qasjet e klubin londinez.

David Moyes është i prirur të shtojë thellësinë në skuadrën e tij, pasi West Ham vazhdon sezonin e tyre në Ligën e Evropës në raundet eliminatore këtë sezon, ndërsa gjithashtu kërkon të bëjë një shtytje të madhe për kualifikim në Ligën e Kampionëve.

Trajneri skocez dhe drejtuesit e Çekanëve kanë etiketuar tashmë disa emra të njohur për t’i transferuar në ekip dhe ata janë yjet e Leedsit, Raphinha dhe Phillips.

Leedsi refuzon ofertat e West Hamit

Sipas The Guardian, West Hami ishte i gatshëm të bënte Phillips nënshkrimin e tyre rekord dhe po përgatiste një ofertë prej 50 milionë funtesh, e cila do ta kishte ribashkuar 26-vjeçarin në mesfushë me shokun e skuadrës te kombëtarja e Anglisë, Declan Rice. Megjithatë, Leeds e refuzoi atë.

West Ham po kërkonte gjithashtu ta bënte Raphinha nënshkrimin e tyre rekord të klubit, por oferta e tyre për brazilianin gjithashtu u hodh poshtë nga Leedsi pasi trajneri Marcelo Bielsa mbetet i bindur se ai nuk do të shitet këtë janar.

Moyes ishte veçanërisht i etur për Raphinha pasi ai e shihte brazilianin si një opsion të gjithanshëm për të mbështetur sulmin e ekipit, me Michail Antonio dhe Jarrod Bowen që kanë impresionuar nën urdhrat e skocezit.

Çekanët aktualisht janë të pestit në tabelën e Ligës Premier dhe në raundet e eliminimit direkt të Ligës së Evropës pasi kanë kaluar me sukses grupin e tyre.

Ata e gjejnë veten vetëm një pikë prapa Manchester Unitedit, megjithëse kanë një lojë më pak, ndërsa janë një pikë përpara Arsenalit me dy ndeshje më shumë të luajtura se Topçinjtë. /Telegrafi/