Leeds nuk e ka ndërmend të luajë më për mbijetesë – gjashtë blerje dhe 100 milionë euro të shpenzuara deri më tani

Marcelo Bielsa është tashmë në historinë e Leeds United, ndërsa drejtori sportiv Victor Orta, po punon shumë këtë verë për të krijuar një skuadër të re në “Elland Road”.

Leeds mbijetoi në fund të sezonit të kaluar, dhe ata nuk duan ta gjejnë veten duke u hequr përsëri në valle të Ligës Premier këtë sezon, kështu që ata po veprojnë herët në tregun e transferimeve.

Pasi kanë shitur Kalvin Phillips në Manchester City, dhe pritet ta shesin edhe Raphinhan, ata tashmë i janë nisur punës.

Tani, në fillim të korrikut, ata janë në mesin e shpenzuesve të mëdhenj të Evropës këtë verë me mbi 100 milionë euro të shpenzuara, duke rivalizuar me Man City, Arsenal, Tottenham, Borussia Dortmund dhe Liverpool.

Jesse Marsch

Planifikimi për 2022/23 filloi në shkurt, kur u emërua Jesse March si trajner, dhe drejtori Orta kishte thënë se klubi ishte i impresionuar nga ideologjitë e tij të futbollit.

Kështu, këtë verë, ata kanë blerë lojtarë për t’u përshtatur në planet e tij si Tyler Adams, Brenden Aaronson dhe Rasmus Kristensen. Duket se ka një lidhje të vërtetë me Leeds dhe klubet e Red Bull.

Aaronson, nënshkrimi më i shtrenjtë i Leeds

Leeds shpenzoi 32.84 milionë euro për të nënshkruar me Aaronson nga RB Salzburg, duke kaluar Rodrigo Moreno si nënshkrimin e tyre më të shtrenjtë.

Amerikani është nën kontratë tani deri në vitin 2027, dhe ai pritet të bëhet një shtyllë e vërtetë e skuadrës në Elland Road.

🔥 Ready to light up the @PremierLeague pic.twitter.com/LysJambXUp

— Leeds United (@LUFC) May 26, 2022

Marc Roca, trashëgimtari i Phillips

‘Pirlo i Yorkshire’ është larguar dhe Marc Roca ka hyrë për të mbushur boshllëkun e mbetur. Ai është një i ri mbresëlënës dhe pritet shumë nga ai sezonin e ardhshëm dhe të parin në klubin anglez.

🤩 @marcroca21 pic.twitter.com/p2MiUdDwWA

— Leeds United (@LUFC) June 17, 2022

Një nga mbrojtësit e krahut më premtues në Evropë

Kristensen vjen si një nënshkrim vërtet emocionues, pasi është parë si një nga mbrojtësit e krahut më të mirë dhe premtues në Evropë në sezonet e fundit.

Ai vlerësohet për rolin e tij, si fizikisht ashtu edhe për aftësinë e tij teknike në top gjithashtu.

✍️ #LUFC is pleased to announce an agreement has been reached with Red Bull Salzburg for Rasmus Kristensen

— Leeds United (@LUFC) June 8, 2022

Adams, ‘xhelati’ i Atleticos

Adams shënoi golin që dërgoi Atletico Madridin nga Liga e Kampionëve në sezonin 2019/20, dhe Marsch ka punuar me të më parë.

Ata e njohin njëri-tjetrin dhe trajneri amerikan është njeriu që mund të nxjerrë më të mirën nga Adams.

So happy to be a part of the @LUFC family! Thank you for all your messages of support. I promise to give my all for you, the fans, and this club! Let’s go!! #MOT pic.twitter.com/uKGniOkCpd

— Tyler Adams (@tyler_adams14) July 6, 2022

Goditja e fundit, nënshkruan Sinisterra – do ta zëvendësojë Raphinhan

Leeds sot ka zyrtarizuar ardhjen e kolumbianit Luis Fernando Sinisterra , i cili ka shkëlqyer me Feyenoord në kohën e fundit.

Ai luan më shpesh në të majtë të sulmit dhe thuhet se klubit anglez i ka kushtuar rreth 25 milionë euro.

📈🔥 @Sinisterra29 pic.twitter.com/9YM8NvJgWK

— Leeds United (@LUFC) July 7, 2022

Me shitjen e Phillips erdhi edhe një lojtar

Përveç gati 50 milionë eurove, Leeds mori edhe Darko Gyabi në këmbim të Phillips nga Manchester City.

✍️ #LUFC is pleased to announce the arrival of midfielder Darko Gyabi, on a four-year-deal from Manchester City

— Leeds United (@LUFC) July 4, 2022

Ai ka nënshkruar deri në vitin 2026 dhe tani mund të gjejë hapësirën që i nevojitet për të vazhduar me karrierën e tij./Telegrafi/