Hapet thirrja për subvencionim të pajisjeve shtëpiake efiçiente dhe sistemit diellor për ngrohjen e ujit sanitar

Ministria e Ekonomisë sot ka bërë lansimin e mbështetjes së konsumatorëve familjarë në investimin në pajisje shtëpiake efiçiente dhe sistemin diellor për ngrohjen e ujit sanitar.

Në këtë hapje ka marrë pjesë edhe kryeministri i vendit, Albin Kurti i cili ka thënë se sektori i ekonomisë është një nga sektorët kryesor të qeverisë që ai e drejton.

“Se sektori i energjisë është kyq për qeverinë tonë e kemi dëshmuar duke nisur dhe fituar disa nga projektet më të mëdha e më inovative që i kemi pasur në vend. Këtu padyshim bënë pjesë edhe skema e parë për ndërtimin e sistemeve akumuluese, ngrohje qëndrore dhe investim në rehabilitim në kapacitetet tona ekzistuese”, tha Kurti.

Kurti tha se fokusi i tyre nuk është vetëm rritja e kapaciteteve prodhuese, por paralelisht po punojnë edhe në rritje të eficiences së energjisë.

Lexo po ashtu Nesër bëhët lansimi i masës për subvencionimin e qytetarëve në investim në pajisje shtëpiake efiçiente

“Në vendin tonë intensiteti energjetik është 3 herë më i lartë se sa në krahasim me shtetet anëtare…Fokusi ynë nuk është vetëm rritja e kapaciteteve prodhuese, por paralelisht po punojmë edhe në rritje të eficiences së energjisë, e kjo nuk është vetëm ulje e konsumit. Eficienca e energjisë, përveçse ndikon në uljen e kostove financiare për familjet dhe ekonominë tonë ajo gjithashtu ndikon në reduktimin e emetimeve të gazrave dhe uljen e importit të energjisë elektrike”, ka thënë kryeministri i vendit.

Ai tha se: “Sot po lansojmë masën e tretë me radhë, subvencionimim e pajisjeve shtëpiake për familje me fokus në përkrahje të qytetarëve me asistencë sociale dhe prindërve vetushqyes”.

Ndërsa, ministrja e Ekonomisë, Artane Rizvanolli, tha se zëvendësimi i pajisjeve me ato efiçiente sjell shumë përfitime për qytetarët.

“Zëvendësimi i pajisjeve jo efecienti me ato efecienti sjellë shumë përfitime për qytetarët, duke ulur faturën dhe efekte pozitive në ambient. Me zëvendësim të pajisjeve, kursimi i energjisë mund të arrijë deri në 40 për qind. Ky ka qenë një nga prioritetet e ministrisë sonë. Këtë vit kemi zgjeruar gamën e masave që do subvencionohen”, theksoi ajo.

Ndryshe, këto janë pajisjet shtëpiake efiçiente që do të subvencionohen nga Ministria e Ekonomisë: Sistemet diellore për ngrohjen e ujit, rrobalarëset, enëlarëset dhe frigoriferët, janë pajisjet shtëpiake efiçiente të radhës të cilat do të subvencionohen për të gjithë qytetarët nga Ministria e Ekonomisë.

Megjithatë, lehtësira, do të ketë për familjet nën asistencë sociale dhe për prindërit vetushqyes. /Telegrafi/