Kylie Jenner mban unazë ari në gishtin e martesës, ndërsa vazhdon romancën me Timothee Chalamet

Kylie Jenner ndau një koleksion fotosh të reja së fundmi dhe mes shumë prej tyre, njëra ra në sy.

Ylli televiziv ishte ulur në avionin e saj privat – të quajtur Kylie Air – ndërsa shikonte nga dritarja.

25-vjeçarja pozoi në njërën prej tyre për të treguar një unazë në gishtin e martesës.

Ajo mbante një unazë që simbolizon dashurinë. Kjo vjen ndërsa ajo vazhdon të takohet me aktorin e “Dune”, Timothee Chalamet. Në maj ata u panë së bashku në Los Angeles, shkruan DailyMail.

Sipas Cartier, Louis Cartier, djali i themeluesit, projektoi një unazë të ndërthurur për poetin dhe dramaturgun francez Jean Cocteau.

Pjesa përfshinte tre shirita në ari të verdhë, ari rozë dhe ari të bardhë. Ky krijim do të bëhej një kod dallues i stilit Cartier të unazës së trinitetit. Unaza shpesh shoqërohet me një lidhje të qëndrueshme.

Kylie dhe Timothee janë në lidhje që nga prilli, sipas disa raporteve. Kylie dukej mahnitëse me një fustan të bardhë elegant për fotot e fundit të saj në rrjetet sociale.

Nëna e dy fëmijëve, e cila ndan vajzën Stormi, pesë vjeç dhe djalin Aire, një, me Travis Scott, dukej jashtëzakonisht femërore në pamjen modeste.

Lexo po ashtu Të gjitha lajmet nga Kylie Jenner

Për 394 milionë ndjekësit e saj në Instagram, ajo shkroi në një mbishkrim: ‘çfarë dite’. Postimi grumbulloi më shumë se një milion pëlqime brenda orës së parë të postimit.

Flokët e gjata, plot shkëlqim dhe brune të Jennerit ishin të lirshme, duke i rënë në shpinë dhe mbi fytyrë në disa foto.

Fustani i gjatë deri në kyçin e këmbës ishte e mbuluar me lule të vogla të kaltra me detaje të gjelbër të butë.

Kylie nuk e etiketoi një vendndodhje, por më vonë shkoi në InstaStory për të treguar veten duke udhëtuar me avionin e saj privat, Kylie Air.

Ajo ishte gjithashtu aktive në TikTok të martën teksa ndau një fragment të adhurueshëm me Stormin dhe mbesat e saj Dream Kardashian dhe Chicago West. /Telegrafi/