Kush është Enver Dugolli që po kërkon votën tuaj për deputet të Kuvendit të Kosovës?

Enver Dugolli në këto zgjedhje është kandidat nga Drenica për deputet nga Lëvizja VETËVENDOSJE! i renditur me numrin 41.

Por kush është Enver Dugolli?

Ai u lind më 27 janar 1963, në Nekoc të Drenicës. Shkollimin fillor dhe të mesëm i kreu në Drenas, ndërsa studimet universitare në Universitetin e Prishtinës, ku i kreu gjithashtu studimet e nivelit Master në sociologji.

Ka qenë i burgosur politik dy herë si rezultat i veprimtarisë dhe bindjeve të tij, një herë në vitin 1981 dhe pastaj në vitin 1997.

Në burgje të ndryshme i kaloi mbi 10 vite burg. Është një nga të mbijetuarit e “Masakrës së Burgut të Dubravës” që u krye në maj të vitit 1999. Nga burgosja e dytë u lirua në vitin 2001.

Pas luftës, ka shërbyer në Trupat Mbrojtëse të Kosovës dhe pastaj në Forcën e Sigurisë së Kosovës ku kreu detyra të rëndësishme ushtarake dhe u dekorua me gradën Gjeneral Brigade në Pension.

Në vitin 2018 u bë anëtar i Lëvizjes VETËVENDOSJE!, dhe anëtar i Këshillit të Përgjithshëm. Gjithashtu është anëtar i Komitetit Profesional për Mbrojtje në Lëvizjen VETËVENDOSJE!

Në vitin 2020 shërbeu si zëvendësministër i Mbrojtjes në Qeverinë Kurti.

Enver Dugolli është njohës i fushës së sigurisë dhe është autori librit “ “QARK I (PA)MBYLLUR BURGJESH” i botuar në vitin 2019.  Është i martuar dhe ka tre fëmijë.

Për mundësi të barabarta, shtet të së drejtës, zhvillim dhe punësim, siguri dhe drejtësi për të gjithë pa dallim, voto Lëvizjen VETËVENDOSJE! me numër 127 dhe Enver Dugollin 41.

Për informacione shtesë mbi Enverin mund ta kontaktoni përmes rrjeteve sociale apo web-faqes së tij.

https://www.enverdugolli.com/

https://www.facebook.com/dugollienver

https://mod.rks-gov.net/?page=1,706#.YBQ_CXZKgdU