Kurti premton investime 250 milionë euro në sport pasi Kosova fitoi organizimin e Lojërave Mesdhetare

Kosova ka arritur ta fitoi organizimin e Lojërave Mesdhetare në vitin 2030.

E për këtë arritje të madhe ka shkruar edhe kryeministri i Kosovës, Albin Kurti pas rikthimit nga Heraklioni i Greqisë.

I pari i qeverisë kosovare ka publikuar një video në faqen e tij zyrtare, nga momentet më të mira që ndodhen në Greqi.

Lexo po ashtu Sportistët që do të marrin pjesë në Lojërat Mesdhetare “Prishtina 2030” do të akomodohen në konvikte

Kurti ka shkruar se po kthehen në Prishtinë me kujtime të mira dhe me përgjegjësi të reja e shumë plane investive.

“Nga Heraklioni i Greqisë për në Prishtinë po kthehemi me kujtime të mira, përgjegjësi të reja, e plane të shumta investive. Lojërat Mesdhetare 2030 po i sjellim në Kosovë”.

Lexo po ashtu Çfarë duhet të dini për Lojërat Mesdhetare dhe cilat shtete që nuk e njohin Kosovën do të marrin pjesë

Tutje i pari i qeverisë kosovare ka shkruar se do të jenë mbi 250 milionë euro investime publike në infrastrukturën sportive për t’i mirëpritur 26 shtete pjesëmarrëse në 23 disiplina sportive.

“Shtatë vjet përgatitje dhe mbi 250 milionë euro investime publike, për t’u bërë nikoqir i 26 shteteve pjesëmarrëse e 23 disiplinave sportive, mijëra atletëve e dhjetëra mijëra turistëve, në ngjarjen më të madhe të sportit në historinë e vendit. Na priftë e mbara”, ka shkruar Kurti. /Telegrafi/