Kurti në Bruksel përmend liberalizmin e vizave, thotë se integrimi në BE nuk ka alternativë

Kryeministri i Kosovës, Albin Kurti është duke qëndruar në Bruksel, ku sot do të marrë pjesë në takimin e Këshillit të Stabilizim Asociimit, Kosovë-BE.

Para fillimit të këtij takimi, Kurti ka zhvilluar takim me komisionarin e Bashkimit Evropian për Fqinjësi dhe Zgjerim, Oliver Varhelyi.

Kurti ka përmendur edhe njëherë se Kosova ka përmbushur të gjitha kriteret për liberalizimin e vizave.

“E vlerësova diskutimin e sotëm me Oliver Varhelyi për progresin e Kosovës në MSA. Kemi përmbushur të gjitha kriteret për liberalizimin e vizave dhe besojmë që BE-ja të lëvizë para. Integrimi në BE nuk ka alternativë. Ne jemi të motivuar të vazhdojmë reformat tona transformuese në bashkëpunim të ngushtë me BE-në”, ka shkruar Kurti.

Kryeministri Kurti në kryeqytetin evropian po shoqërohet nga zëvendësi i tij Besnik Bislimi, ministrja e Punëve të Jashtme, Donika Gërvalla, ministri i Financave, Hekuran Murati, ministri i Brendshëm, Xhelal Sveçla, Ministri i Mjedisit dhe Infrastrukturës, Liburn Aliu dhe zëvendësministrja e Drejtësisë, Nita Shala. /Telegrafi/

Appreciated today’s discussion w/ @OliverVarhelyi on @Kosova’s progress in #SAA. We’ve fulfilled all requirements for visa liberalization & trust #EU will deliver. EU integration has no alternative. We’re motivated to continue our transformative reforms in close coop. w/ EU. pic.twitter.com/QTnJiJbEPQ

— Albin Kurti (@albinkurti) December 7, 2021