Kur fëmijët shfaqen në ëndrra – ç’domethënie kanë këto skena të zakonshme?

Të shohësh ëndrra me fëmijë apo foshnje të porsalindura merret përgjithësisht si një ogur i mbarë dhe shumë njerëz e lidhin atë me bukurinë dhe dëshirën e të paturit një fëmijë

Por, ja disa nga kuptimet më të zgjeruara të ëndrrave me fëmijë që njerëzit shohin zakonisht:

Shikoni një fëmijë

Të shohësh një fëmijë në ëndërr do të thotë pafajësi, ngrohtësi dhe fillime të reja. Kjo ëndërr është një kujtesë për të gjitha gjërat e mira dhe të pastra që janë brenda jush.

Kjo mund të nënkuptojë se është koha për të hyrë në kontakt me pjesën e brendshme dhe ëndërrimtare tuajën.

Një foshnjë që qan

Kjo mund të nënkuptojë se është një pjesë e juaja që po privohet nga vëmendja dhe ka nevojë për t’u “ushqyer”. Mund të nënkuptojë gjithashtu se vetja juaj e brendshme po bërtet për qëllimet tuaja të paplotësuara dhe po përpiqet t’ju bëjë t’u kushtoni vëmendje atyre.

Nëse foshnja në ëndrrën tuaj po qan sepse po e neglizhoni dhe askush nuk po i kushton vëmendje, mund të jeni duke u lidhur me pjesën e psikikës suaj që mendon se nuk po shfrytëzoni potencialin tuaj të plotë.

Ose, nëse planifikoni të keni fëmijë në të ardhmen, mund të keni frikë për aftësinë tuaj për ta dashur ose për t’u kujdesur për fëmijën tuaj siç duhet, shkruan DreamApp.

Një foshnjë që kërcen

Një foshnjë që kërcen ose thjesht ecën, do të thotë që ju ndiheni mirë për mundësitë tuaja në të ardhmen. Ajo foshnje e vogël e lumtur po mëson shumë dhe ka shumë gjëra që e presin, ashtu si dhe ju.

Dhe nëse foshnja në ëndërr është fëmija juaj i vërtetë, ju keni shpresa të mëdha për të ardhmen e fëmijës suaj: ai ka një fillim të mbarë dhe ka shumë zhvillime emocionuese përpara.

Një foshnje në krahët tuaj

Nëse jeni duke mbajtur një fëmijë, mund të jeni duke sjellë në mendje një periudhë të mëparshme në jetën tuaj kur njerëzit ishin të varur nga ju dhe jua kishin nevojën.

Po lindni një foshnje

Lindja është zakonisht një metaforë mjaft e drejtpërdrejtë dhe nënkupton fillimin e një faze të re të jetës ose fillimin e diçkaje që e kishit dëshiruar që të vegjël.

Gjetja e një fëmije

Nëse gjeni një fëmijë në ëndërr, ajo që do të thotë është se jeni duke pranuar potencialin dhe talentin tuaj të fshehur për një aspekt të jetës suaj. Ka ende gjëra që duhen “ushqyer me gji” dhe për t’u kujdesur në zhvillimin tënd personal, si kjo foshnje e vogël që sapo gjetët.

Harrimi i një fëmije

Lënia e gabuar e një fëmije diku dhe harrimi i tij në një ëndërr mundet të nënkuptojë që po rizbuloni një aspekt të vetes që e keni lënë në harresë për një kohë.

Përndryshe, të ëndërroni sikur harruat që keni një fëmijë në jetën reale, do të thotë se po përpiqeni të fshihni disa dobësi tuajat.

Takoni një fëmijë të lig/ mizor

Të shohësh ëndrra me fëmijë të këqij është e rrallë. Por, të shikuarit e një të tilli në ëndërr mund të nënkuptojë se keni frikë nga një projekt i ri që po fillon. Jeni nervozë në mund ta kryeni punën tuaj si duhet ose jo.

Shndërrohesh/Je fëmijë

Kjo është dëshira juaj për t’u përkëdhelur, veçanërisht nëse ndjeni se dikush po ju bën padrejtësi në jetën reale.

Mund të tregojë gjithashtu se vërtet dëshironi një fëmijë të mirë në jetën tuaj ose thjesht të bëni një sy gjumë të mirë prej lodhjes që ndjeni. /Telegrafi/