Kujdesi për buzët

Për buzët duhet kujdesur mirë, nëse dëshironi që të keni pamje të bukur në fytyrën tuaj. Për të arritur një pamje të tillë, kemi disa këshilla për ju.

Kujdes nga kushtet ekstreme të motit
Së pari duhet pasur kujdes nga kushtet ekstreme të motit. Moti shumë i ftohtë, por edhe ai shumë i ngrohtë do të shkaktojë çarjen e tyre. Kjo mund të rezultojë me një pamje të deformuar dhe të shëmtuar të buzëve. Por, ju mund të provoni që të përdorni balsam buzësh me faktor mbrojtjeje UV.

Vitaminat
Marrja e vitaminave është shumë e rëndësishme, nëse dëshironi të keni buzë të bukura. Ato mund të merren edhe në farmaci, por preferohet që ato t’i merrni nëpërmjet ushqimit të shëndetshëm dhe konsumimit të lëngjeve. Veç vitaminave edhe konsumimi i ujit ka rëndësi të madhe për buzë të hidratuara dhe të freskëta.

Buzëkuqi
Përdorimi i një buzëkuqi jo të mirë mund të shkaktojë jo vetëm tharjen e buzëve, por edhe lëndimin e tyre. Kujdesuni të mos përdorni një buzëkuq të lirë.
Mundohuni të përdorni më shumë balsam për buzë. /Telegrafi/