Kryetari i Listës Serbe, Goran Rakiq, tregon se a po i kërcënojnë Rashiqin e Petroviqin

Simpatizantët e Listës Serbe në Zubin Potok po e presin orën 12:00 që të fillojë tubimi që është thirrur nga ky subjekt politik. E me të ardhur krerët e këtij subjekti u treguan të dashur me pjesëmarrësit. Nuk vonoi shumë e tubimi filloi.

I  pari që foli ishtë Radomir Jankoviq, i cili u prezantuar si doktor shkence në Serbi e Rusi. Pas tij foli edhe Dalibor Jevtiq. Ai nuk preferoi ti referohet Kosovës si Republikë. Ky tubim u shoqërua edhe me këngë nacionaliste serbe. E nuk harruan as përmendin emrin e  presidentit serb, Aleksandar Vuçiq.

Pas përfundimit të këtij tubimi, kreu i Listës Serbe për T7 ka folur për raportet që kanë me bashkëkombësit e tyre,  të cilët patën thënë se ndjehen të kërcënuar  nga Lista Serbe.

Lexo po ashtu Video-mesazhi në shqip i Nenad Rashiqit: Ta heqim qafe monstrumin politik, të quajtur Lista Serbe

“Nenad Rashiq dhe Sllobodan Petroviq, Rada Trajkoviq dhe Alleksandar Jabllanoviq nuk i frikësohen asnjë kërcënimi, sepse kërcënime nuk ka. Ata i frikësohen rezultateve te zgjedhjeve. Deri ne ketë moment nuk kemi pranuar asnjë dëshmi qe dikush i ka kërcënuar ajo është vetëm performance e tyre dhe çdo dite po shkojnë në Ambasadë të Amerikës dhe në atë te Britanisë, aty ata po ankohen për disa kërcënime që vetëm ata po i shohin”, ka thënë Goran Rakiq.

Më tej Rakiq duke ironizuar ka thënë se arsyeja se pse subjektet tjera serbe nuk po bëjnë tubimë është frika nga mungesa e simpatizantëve në tubime.

“Ata kishin pasë dëshirë me mbledhë kaq njerëz dhe simpatizantë sa ka mbledhur Lista Serbe këtu në Zubin Potok. Në tubimet e tyre, paraqiten shumë pak njerëz, dhe ata që janë prezent janë kryesisht vetëm shokët e ngushtë të këtyre kandidatëve dhe askush tjetër”, Goran Rakiq

Rakiq ka folur edhe për dënimin që kanë marrë nga PZAP.  Sipas tij, është i pakuptimtë vendimi i panelit të ankesave e cila ka dënuar listën serbe me 30 mijë euro.

Lexo po ashtu Trajkoviq: Fitorja e Listës Serbe nënkupton se mafia është projekt shtetëror i Serbisë në Kosovë

Në anën tjetër flamuj të Listës Serbe shihen edhe në Mitrovicën Veriore.

Këtu mungojnë simbolet e Partisë Liberale Serbe dhe koalicionit “Sloboda”, të dy këto subjekte serbe që i kanë hyrë garës për zgjedhje nacionale në Republikën e Kosovës.