LAJMI I FUNDIT:

Kosova pritet t’i ketë tri prurje të reja për ndeshjet ndaj Maltës dhe Ishujve Faroe në Ligën e Kombeve

Kosova pritet t’i ketë tri prurje të reja për ndeshjet ndaj Maltës dhe Ishujve Faroe në Ligën e Kombeve

Humbja e një numri të madh të futbollistëve të vyeshëm që kanë shkuar drejt shteteve të tjera duket t’ia ketë çelur sytë më në fund Federatës së Futbollit të Kosovës (FFK).

I kontraktuari i saj, përzgjedhësi Bernard Challandes, krahas angazhimeve në Ligën e Kombeve njëkohësisht po punon edhe në afrimin e futbollistëve.

Kohëve të fundit Kosova po hidhet në aksion në momentin që po shpërthen ndonjë futbollist kosovar në ligat e huaja. Në skuadrën tonë përfaqësuese vazhdimisht po vijnë futbollist të rinj.


Statistikat mbresëlënëse të Bernard Challandes në drejtimin e Kosovës - asnjë humbje, asnjë gol të pranuar
Lexo po ashtu Statistikat mbresëlënëse të Bernard Challandes në drejtimin e Kosovës - asnjë humbje, asnjë gol të pranuar

Ardhje të reja pritet të ketë edhe në tetor, kur Kosova do t’i zhvillojë dy ndeshjet e radhës në Ligën e Kombeve ndaj Maltës dhe Ishujve Faro, shkruan gazeta “Zëri”.

Ditë më parë u konfirmua se për këto dy ndeshje është ftuar sulmuesi 19 vjeç Lirim Kastrati, i cili ka shpërthyer me gola në kampionatin e Kroacisë, ku po luan për Lokomotivën e Zagrebit.

Kastrati me fanellën e Kosovës U21

Dhe, surpriza tjetër e Challandes pritet të jetë Mirlind Kryeziu. Mbrojtësi 21 vjeç po luan rregullisht dhe me shumë sukses në Zvicër me skuadrën e famshme Zurich. Kryeziu pati luajtur edhe për ekipet e reja të Zvicrës nga ai U-16 deri te U-20.

Mirlind Kryeziu

Ndërsa tash e tutje do të zërë vend në ekipin A të përfaqësues së Kosovës. Ardhje e re pritet të jetë edhe Arijanet Muriçi. Portieri që së fundmi debutoi me Manchester Cityn në shtator vendosi të luajë për Kosovën dhe nga tetori pritet ta sfidojë shumë seriozisht kapitenin Samir Ujkani, për t’ia zënë vendin në ekipin e titullarëve.

Arijanet Muriqi

Kosova aktualisht i prin grupit të vet në Ligën D të Kombeve. “Dardanët” i kanë katër pikë, një më shumë sesa Ishujt Faro, dy më tepër sesa Azerbajxhani dhe tri më shumë sesa Malta.

Fituesi i grupit luan me fituesit e tri grupeve të tjera të kësaj lige në formë “Play-Off”-i. Dhe, fituesi i Ligës D shkon direkt në “Euro 2020”.

Në trend Sport

Më shumë
Vinicius flet edhe një herë për të ardhmen, duke i dërguar mesazh Real Madridit

Vinicius flet edhe një herë për të ardhmen, duke i dërguar mesazh Real Madridit

Liga e Kampionëve

"Nuk u ndjeva i tradhtuar, nuk kam ëndërruar kurrë" - Vinicius thyen heshtjen për Topin e Artë

La Liga
Katër muaj pa shënuar gol – për situatën e tij të thatësisë flet Lamine Yamal

Katër muaj pa shënuar gol – për situatën e tij të thatësisë flet Lamine Yamal

La Liga
Edon Zhegrova gjithnjë e më afër Serie A - bisedime të avancuara mes palëve

Edon Zhegrova gjithnjë e më afër Serie A - bisedime të avancuara mes palëve

Serie A
Një shqetësim i madh ka goditur Real Madridin pas humbjes ndaj Real Betisit

Një shqetësim i madh ka goditur Real Madridin pas humbjes ndaj Real Betisit

La Liga
A është hapur plotësisht gara për titullin e Serie A edhe për Juventusin – renditja kur kanë mbetur edhe 11 ndeshje

A është hapur plotësisht gara për titullin e Serie A edhe për Juventusin – renditja kur kanë mbetur edhe 11 ndeshje

Serie A
Kalo në kategori