Kosnett: Arritja e një marrëveshje me Serbinë do të ishte transformuese për ekonominë e Kosovës

Ambasadori i SHBA-së në Kosovës, Philip Kosnett, ka deklaruar se pavarësisht strukturës së re të qeverisë së ardhshme në Kosovë, ajo duhet të jetë e përkushtuar për të vepruar në mënyrë që të rritet fleksibiliteti dhe konkurrueshmëria në sektorin privat.

Kosnett, këto komente i bëri në mbrëmjen e së martës në një organizim të ndarjes së çmimeve për të shënuar partneritetin ndërmjet Shteteve të Bashkuara dhe Kosovës.

Ai është deklaruar edhe rreth arritjes se një marrëveshje Kosovë-Serbi.

Lexo po ashtu Oda Amerikane ndan mirënjohjet e Partneritetit SHBA-Kosovë

“Arritja e një marrëveshjeje gjithëpërfshirëse me Serbinë do të ishte transformuese për ekonominë e Kosovës dhe të gjitha bizneset, sepse do t’i lejonte Kosovës që plotësisht të përfitonte nga njëra prej përparësive më të rëndësishme krahasuese – qasja në tregun evropian”, ka deklaruar Kosnett.

Ambasadori amerikan i është referuar qeverisë së ardhshme, pasi më 19 korrik, Ramush Haradinaj ka dhënë dorëheqje nga pozita e kryeministrit.

Ai është ftuar nga Prokuroria Speciale në Hagë për t’u intervistuar në cilësinë e të dyshuarit./Telegrafi/

“It is important that whatever the shape of Kosovo’s next government, that next government must be committed to concrete action to increase the flexibility and competitiveness of Kosovo’s private sector.” My remarks to @AmChamKosovo last night: https://t.co/aQ3PYAQ4Bh

— Ambassador Philip S. Kosnett (@USAmbKosovo) July 31, 2019