Gomat e vjetra të veturave janë të përsosura për rregullim të tarracës, ndërsa në to mund të kultivoni çfarëdo perimesh, madje edhe pemë të vogla
Mund t’i përdorni me vite të tëra, sepse janë të qëndrueshme ndaj temperaturave të ulëta dhe lagështisë.
Po ju tregojmë se si të veproni, transmeton Telegrafi.
Materiali që ju nevojitet: goma të vjetra të veturave, rondele për kavanoza, sprej me ngjyra, fidanë, fara dhe dheu.
1. Ngjyrosni gomën
Pasi të keni larë me ujë dhe t’i keni tharë mirë, ngjyrosni me ngjyrën e preferuar. Në këtë rast kemi vendosur për sprejin llak ngjyrë tirkizi.
2. Shponi vrima në rondelë
Për fund kemi shfrytëzuar rondelën për kavanoza e cila është pak më e madhe se vrima e gomës. Është me rëndësi që rondela të kalojë skajin e gomës përkatësisht të mbërthehet në mënyrë që të mos prishet nën peshën e dheut.
Para vendosjes, për drenazh më të mirë, në rondelë me burgi duhet të bëhen disa vrima nëpërmjet të të cilave do të kullohet teprica e ujit.
3. Mbusheni gomën me dhe
Për t’u mbushur e gjithë goma, nevojiten rreth 40 litra dhe cilësor.
4. Mbëltoni fidanët
Kur të përfundoni përgatitjen, pason mbëltimi i fidanëve, në këtë rast lulen zbukuruese të quajtur Lajkatarja e Kopshtit (Trapaeolum majus) dhe mbillni misër.
Perimet, siç janë shumica e bimëve, mund të rriten në çfarëdo vendi, ndërkaq në goma mund të kultivohen edhe patate.
5. Pamja finale.
