Komuna e Zhelinës: Ne e ndërtuam urën e këmbësorëve në Strimnicë

Komuna e Zhelinës ka reaguar në lidhje me shkrimet në media për urën e këmbësorëve në fshatin Strimnicë, njofton Telegrafi Maqedoni.

“Ura është 100% e porositur, paguar dhe realizuar nga Komuna e Zhelinës. Për te gjithë ata që kanë kontribuuar vullnetarisht, ne u jemi mirënjohjes.”

“Asnjë denarë nuk iu është marrë banorëve të fsh. Strimnicë për ndërtimin e Urës së këmbësorëve. Ura e vendosur është e porositur dhe realizuar nga buxheti i Komunës se Zhelinës. Tani,gjatë realizimit është vërtetë se kanë ndihmuar vullnetarisht edhe banorë të fshatit për të cilën gjë, ne publikisht i kemi falënderuar dhe jemi mirënjohës për gjestin. Ura nuk ekzistonte, sot ekziston dhe realizohet për së pari herë, dhe e realizuar me standardet më të sigurta të mundshme” ka vazhduar reagimi i tyre.

“2. Projekti nuk ka ndryshuar. E vërteta është se projekti i pare, ka qenë ide e jona, ndryshe nga kjo që e kemi realizuar sot. Por, edhe atë projekt ideor edhe këtë, e kemi përshkruar ne si komunë e Zhelinës. Ajo nuk realizohej si e tillë sipas inxhinierit, për shkaqe teknike dhe situatës së caktuar në teren. Dhe vendosëm për këtë që shihni sot në fotografi dhe që është e realizuar.
Ajo që vlerësojmë se është me rëndësi dhe duhet ta dinë edhe qytetarët tanë është se, versioni i parë Urës së këmbësorëve kushtonte gjysmë çmimi në krahasim me këtë Urë që është e vendosur sot””, thuhet në reagimin e Komunës së Zhelinës. /Telegrafi/

Lexo po ashtu Vendoset ura e këmbësorëve në fshatin Strimnicë, ndryshon tërësisht nga projekti