Komuna e Dibrës premton projekte në infrastrukturë

Komuna Dibër përveç projekteve në sferën e infrastrukturës në qytet, realizon dhe do të realizojë edhe projekte në vendbanimet rurale. Banorët të komunës pa mare parasysh a jetojnë në vendbanime urbane apo rurale do të kenë një jetë më të mire, prandaj pushteti vendor trajton problemet e banorëve si problem të njëjta pa i dhënë prioritet qytetit apo fshatrave. Këtë mes tjerësh e theksojnë kryetari i Dibrës Hekuran Duka dhe kryetari I këshillit të komunës Fuat Spahiu. Sipas tyre me projektet lokale por jo vetëm ata, deri tani janë realizuar dhe do të vazhdojnë të realizohen edhe projekte për nevojat e fshatrave.

Kryetari i Dibrës, Hekuran Duka ka informuar se bashkësia vendore e fshatit më të madh në komunën e Dibrës, Mogorça do të përcaktojë projektin prioritar a do të jetë furnizimi me ujë apo projekti për një infrastrukturë rrugore më të mire. Pas përcaktimit, komuna menjëherë do të fillojë me punime rreth projektit prioritar. Duke marrë parasysh se problemi i furnizimit me ujë është shumë dominant, pritet që pikërisht ky projekt të fillojë shumë shpejt. Sipas kryetarit Duka, në fshatin Kosovrasti i Epërm është duke u ndërtuar një parking për automjete sepse fshati si problem prioritar për zgjidhje ka parkingun. Kryetari i Dibrës poashtu ka informuar se me mjete nga buxheti lokal, por edhe me projekte të tjera qeveritare pritet që së shpejti të fillojë projekti për ujitjen e tokës në disa fshatra kufitare siç janë Spasi, Sushica etj. Duke marrë parasysh faktin se në fshatrat të tjerë kufitar ka një zhvillim të përforcuar edhe të bujqësisë dhe veçmas bletarisë, priten projekte edhe në fshatrat në sferën e infrastrukturës. Së shpejti sipas paralajmërimeve pritet të vazhdojnë projekte për vazhdimin e ndërtimit dhe sanimit të rrugëve nga qyteti drejt fshatrave kufitare të cilët nuk janë të përfunduar. Me ndërtimin e disa rrugëve për në fshatrat kufitare të boshatisura, tani kanë filluar të ndërtohen edhe bujtina, që faktikisht jep shpresë se rajoni kufitar i Dibrës ka mundësi të shpejta për të zhvilluar turizmin rural.

Kur jemi tek projektet të tjera, duhet theksuar se komuna Dibër një kontribut të madh jep edhe për përmirësimin e jetës të fëmijëve dhe të rinjve në fshatra . Në fshatin Kosovrasti i Poshtëm i cili gjendet në afërsi të lokalitetit turistik Banjar – Banjat të DibrësCapa në fshatin në fjalë, është bërë një sanim i plotë i parkut të fëmijëve. Komuna Dibër ka sanuar lojërat për fëmijë si dhe pajisjet e tjera sportive që ishin të dëmtuara në këtë park për lojëra. Tani fëmijët të këtij fshati përsëri kanë mundësinë që të lozin lojërat e tyre.

Për këtë aktivitete siç informon kryetari i Këshillit të komunës, Fuat Spahiu ka patur edhe një përkrahje të fuqishme edhe nga të gjithë institucionet lokale, e veçmas Këshillit të komunës dhe normalisht kryetarit të komunës Hekuran Duka.