Komiteti i Helsinkit: Gjykata Kushtetuese nuk është e pavarur dhe as transparente

Komiteti i Helsinikit në Maqedoni për të drejtat e njeruiut sot në një konferencë për shtyp ka kritikuar Gjykatën Kushtetuese dhe se ajo është në diktat të qeverisë dhe me atë e degradon dhe komprementojnë funksionimin e institucionit, transmeton Telegrafi Maqedoni.

‘Për Fat të keq, të gjithë gjyqtarët kushtetues nuk janë juristë të shquar dhe nuk kanë ekspertizë të mjaftueshme për të qenë gjyqtarë. Ata shpesh janë të njëanshëm, në varësi të asaj nga kush është dorëzuar iniciativa, veçanërisht kundër kujt është drejtuar kërkesa. Gjykata Kushtetuese gjithnjë e më shumë është e mbyllur për publikun dhe mediat. Përveç kësaj, institucioni i mbrojtjes së të drejtave dhe lirisë nuk është një mjet efektiv në Maqedoni, dhe për arritur në Strasburg duhet të kaloni nëpër Gjykatën Kushtetuese, dhe ajo mund të mjaft të zgjatë dhe në këtë mënyrë shkelen të drejtat e qytetarëve’, tha Vojislav Stojanovski nga Komitetit i Helsinkit në konferencën e sotshme për shtyp.

Analizat tregojnë se në vitin 2011, para ndërrimit të gjyqtarëve shumicë në Gjykatën Kushtetuese, të pranuara ishin 236 raste, dhe në vitin 2015 vetëm 128, e cila është 46 përqind më pak.

Kjo tregon qartë besimin e reduktuar të qytetarëve në këtë institucion. Raste të përfunduar megjithatë, janë zvogëluar për 35 përqind nga viti 2011 deri në vitin 2015, Gjykata Kushtetuese për të njëjtën periudhë anuloi 66 përqind vendime. /Telegrafi/