Klubi i Christian Atsu thotë se nuk mund ta gjejnë në spitalin ku ai ishte dërguar, mes frikës se futbollisti nuk ishte në mesin e atyre që u gjetën nën rrënoja

Klubi i Christian Atsu ka bërë të ditur se nuk mund ta gjejnë atë në spitalin ku thuhet se ishte dërguar.

Atsu, i cili luan për Hatayspor, u raportua ditën e martë se ishte shpëtuar nga një ndërtesë e shkatërruar pas një tërmeti 7.8 ballë në Turqi dhe Siri.

Në fakt, nënkryetari i klubit – Mustafa Ozat kishte konfirmuar se Atsu është nxjerrë nga rrënojat i lënduar.

Lexo po ashtu Nuk dihet ende për fatin e Christian Atsu - i bllokuar nën rrënoja pas tërmetit në Turqi që la të vdekur më shumë se 1000 njerëz

Megjithatë, sipas gazetës turke Hurriyet, ekziston frika se futbollisti nuk ishte në mesin e atyre që u gjetën në rrënoja.

Mjeku i klubit të Hatayspor, Gurbey Kahveci tha: “Kur dëgjuam lajmin se ai u dërgua në spitalin Dortyol, ne shkuam dhe shikuam, por ai nuk ishte aty”.

“Për momentin ne pranojmë që Savut Taner (drejtori sportiv) dhe Christian Atsu nuk u gjetën, për fat të keq”.

Ngjarja shkatërruese ka parë që numri i të vdekurve të shkojë në 11,000, duke e bërë atë tërmetin më vdekjeprurës për më shumë se një dekadë.

Agjenti i Atsu, Nana Sechere, zbuloi gjithashtu se vendndodhja e lojtarit është e panjohur, duke postuar në Twitter: “Pas përditësimit të djeshëm nga klubi se, Christian ishte nxjerrë i gjallë, ne ende nuk e konfirmojmë vendndodhjen e Christian”.

Lexo po ashtu Christian Atsu nxirret i gjallë nga rrënojat që la tërmeti i fuqishëm në Turqi - i lënduar në këmbë dhe me vështirësi në frymëmarrje

“Siç mund ta imagjinoni, kjo vazhdon të jetë një periudhë shkatërruese për familjen e tij dhe ne po bëjmë gjithçka që mundemi për ta gjetur Christian”.

Kjo vjen pasi bashkëlojtari i Atsu, Kerim Alici, një mik i ngushtë, kishte konfirmuar në një televizion turk se lojtari ishte nxjerr i gjallë, gjë që ka shkaktuar konfuzion të mëtejshëm nëse lojtari është gjetur. /Telegrafi/

Following yesterdays update from the club that, Christian had been pulled out alive, we are yet to confirm Christian’s whereabouts. As you can imagine, this continues to be a devastating time for his family and we are doing everything we can to locate Christian. pic.twitter.com/WKteG3l4cp

— Nana Sechere (@iAmNana7) February 8, 2023