Klopp me kritika ndaj VAR-it dhe ekipit të tij pas humbjes nga Chelsea

Jurgen Klopp kritikoi një vendim kyç të bërë nga VAR-i pasi Liverpooli humbi 2-1 në shtëpi ndaj Chelseat në raundin e tretë të Kupës Carabao duke u eliminuar nga gara.

Liverpooli ishte në rrugë të mbarë për të fituar ndeshjen në sajë të një goli akrobatik të Daniel Sturridge, por Emerson Palmeri barazoi shifrat, ndërsa Eden Hazardi ia siguroi fitoren Bluve me një gol të bukur.

Goli i barazimit nga Blutë bëri që të ketë një kontroll të gjatë nga VAR-i për pozitë jashtë loje dhe Klopp gjithashtu nuk u pajtua me vendimin për të dhënë një faull të Naby Keitat për Victor Mosesi.

Lexo po ashtu Chelsea përmbys Liverpoolin, Hazard shënon gol magjik

“Do të ketë shumë diskutime në lidhje me VAR-in, pozicioni jashtë loje nuk është i përkryer te goditja e lirë për golin e parë”, ka thënë fillimisht Klopp për Sky Sports.

“Lojtari e largon topin dhe ky është një kartonë i verdhë, gjyqtari anësor është në një pozicion të mirë dhe nuk ishte një goditje e lirë”.

“Nuk mund ta shoh më mirë se gjyqtari, por më pas mendoj se qëllimi i parë është në sulm, ndoshta VAR-i mund ta shohë atë që nuk e sheh gjyqtari”.

https://twitter.com/D9INE_NEXUS_/status/1045046399149039616

Pavarësisht se ishte i zhgënjyer me përdorimin e VAR-in, Klopp ndjen se Liverpooli duhej të kishte përfunduar ndeshjen më herët.

“Ne patëm shanse ta përfundonim atë”.

“Goditëm traversën dhe kishim disa topa interesant, por ata shënuan dy herë dhe ne shënuam vetëm një herë”.

“E dinim se si Chelsea dëshironte të luante, por ne u dhamë atyre shumë hapësirë ​​dhe nuk ishin mjaft kompakt. Patëm shanset më të mëdha në pjesën e parë”.

“Kjo është përgatitje e mirë për të shtunën por ne duhet të mbrojmë më mirë”, përfundoi trajneri gjerman. /Telegrafi/