Klopp: Duhet të japim 100 për qind ndaj Bayernit

Jurgen Klopp e ka cilësuar Bayern Munichun si një kundërshtar të fortë dhe se skuadra e tij dhe të gjithë rreth Liverpoolit duhet të japin 100 për qind nga vetja e tyre.

Trajneri i Reds shpjegoi se skuadra e duhet të balancojë respektin me besimin ndërsa ai parashikoi një natë tjetër ku Anfield mund të bëjë dallimin.

“Është një ndeshje e madhe, kundër një kundërshtari shumë të fortë dhe ne duhet të jemi në 100 për qindëshin tonë”, ka thënë fillimisht Klopp për Liverpoolfc.com.

Lexo po ashtu Shaqiri i lumtur që do të luajë përballë Bayernit: Kalova kohë të mirë në Munich, por tani dua të kalojmë në çerekfinale

“I gjithë klubi, stadiumi, tifozët, të gjithë ne duhet të jemi në 100 për qindëshin tonë që të kemi një shans”.

“Nuk është se i bëj ato më të mëdhenj sesa janë pasi ata me të vërtetë janë të mëdhenj, një nga klubet më të mëdha në botë”.

“Në këso ndeshje gjithmonë duhet që të tregoni saktësisht sasinë e duhur të respektit dhe jo më shumë. Kjo është ajo që ne do të bëjmë. Ne duhet të luajmë lojën tonë”.

Lexo po ashtu Kimmich: Liverpooli është favorit

“Deri më tani djemtë kanë bërë shumë mirë dhe kjo është ajo që duhet të bëjmë përsëri. Ne duhet të jemi gati për një luftë të madhe nesër”.

“Na duhet sasia e duhur e respektit, jo më shumë, dhe duhet të tregojmë se jemi në shtëpi”, përfundoi trajneri gjerman. /Telegrafi/