Trajneri i Liverpoolit, Jurgen Klopp u përplas me kapitenin e Chelseat, Cesar Azpilicueta në fund të ndeshjes e cila përfundoi me barazim 1-1 të shtunës mbrëma.
Liverpooli dhe Chelsea barazuan në derbin e javës së tretë në Ligën Premier, në një ndeshje që u përshkua herë pas here me tensione.
Pas përfundimit të ndeshjes, menaxheri Thomas Tuchel dhe lojtarët e tij dukeshin të kënaqur me piken e fituar, ndërsa Klopp dhe Liverpooli i tij u shfaqen të brengosur paksa me rezultatin.
Disa minuta më vonë, Klopp e gjeti veten në qendër të fushës me kapitenin e Chelseat, Azpilicueta.
Dyshja fillimisht dukeshin të tensionuar dhe debatonin me një ton të lartë dhe gjuha e trupit nuk tregonte gjera pozitive.
Megjithatë, trajneri i Reds dhe kapiteni i Bluve i tejkaluan dallimet e tyre me shpejtësi dhe buzëqeshën dhe u përqafuan para se të ndaheshin. /Telegrafi/
