Kishin dalë në poligonin e hapur të stërviten, ukrainasit i goditën rëndë rusët me HIMARS – fusha u mbush me 65 ushtarë të vrarë

Një poligon stërvitor në rajonin Donetsk në lindje të Ukrainës, i përdorur nga Brigada e 39-të e Gardës së Motorizuar të Forcave Tokësore ruse, thuhet se u godit dje nga disa raketa të lëshuara nga M142 HIMARS i Ukrainës, duke rezultuar në më shumë se 65 të vdekur dhe dhjetëra të plagosur.

Lajmi u përhap në rrjetet sociale dhe ndër të tjera u publikua nga OSINTdefender, një kanal në X që merret me mbledhjen e informacionit nga burime të hapura, transmeton Telegrafi.

Rrjetet sociale ruse dhe kanalet Telegram, ishin të indinjuar që ushtarët u urdhëruan nga komandantët të stërviteshin në një zonë kaq të ekspozuar pranë vijës së frontit.

Lexo po ashtu Detaje nga likuidimi i dezertorit rus në Spanjë, piloti që iku në Ukrainë me helikopter u vra nga dy persona

Videot që qarkullojnë në X, tregojnë shumë trupa burrash me uniforma ushtarake në tokën me baltë.

Në anën tjetër, aty dëgjohet dikush duke sharë eprorët e tyre që i urdhëruan të trajnoheshin në këtë fushë të hapur që ishte cak i lehtë për ukrainasit që i goditën me HIMARS-in amerikan. /Telegrafi/

A Training Ground in the Donetsk Region of Eastern Ukraine which was being used by the 39th Separate Guards Motorized Rifle Brigade of the Russian Ground Forces was Struck earlier today by several Rockets launched by Ukrainian M142 HIMARS, resulting in upwards of 65 Deaths and… pic.twitter.com/wdh6WDJ7hc

— OSINTdefender (@sentdefender) February 21, 2024