Kim Kardashian ‘qau gjatë gjithë rrugës për në shtëpi’ për shkak të kritikave që mori për veshjen e saj në Met Gala 2013

Superylli Kim Kardashian pranon se “qau gjatë gjithë rrugës për në shtëpi” pasi u krahasua me zonjën Doubtfire në Met Gala.

Ylli i realitetit televiziv veshi një fustan me lule në ceremoninë e vitit 2013, ndërsa ishte shtatzënë me vajzën North, tani 6 vjeçe.

Dhe ajo pranon që reagimet negative e bënë atë shumë të mërzitur.

“Unë po qaja gjatë gjithë rrugës për në shtëpi sepse thjesht nuk mund ta besoja”.

Lexo po ashtu Të gjitha lajmet nga Kim Kardashian

Ajo shtoi: “Unë isha shtatzënë, shumë e fryrë dhe isha si, oh zot, sigurisht që herën e parë që shkoj do të jem e madhe”.

“Kanye West po performonte kështu që unë nuk isha e ftuar në të vërtetë, unë isha thjesht me Kanyen. Dhe kjo ishte në rregull me mua sepse kurrë nuk kam ëndërruar me të vërtetë se do të isha në Met Ball”.

“E di se nuk dëshironte askush të isha atje”.

Kim thotë se në të vërtetë dëshironte të vishte një version të zi të veshjes, por stilisti i Givenchy, Riccardo Tisci – e bindi atë kundër tij.

Ajo tha: “Ne zgjodhëm një pëlhurë me të vërtetë të shtrirë sepse unë do të rritesha dhe ne donim të siguroheshim që ndryshimet të ishin të lehta dhe të ishin të rehatshme”.

Unë isha si, “Mendoj se duhet të bëj vetëm versionin e zi”, dhe Riccardo ishte si,” Jo, duhet të bëjmë me lule”.

Sidoqoftë, ajo pranoi se kishte dy yje që aprovuan veshjen e saj – Mary Kate dhe Ashley Olsen. /Telegrafi/