Elizabeth Katherine Gowing ka dhënë dorëheqje nga puna në Zyrën për Çështje të Komuniteteve, e cila funksionon në kuadër të Kabinetit të Kryeministrit të Kosovës, Albin Kurti.

Megjithatë, ajo do të vazhdojë të ushtrojë detyrën e këshilltares politike për Çështjet e Komuniteteve.

Lexo po ashtu Publikohet lista e OJQ-ve që përfituan mbështetje nga shteti, shumë ankesa në ministrinë e Nenad Rashiqit

Teksa ka njoftuar për këtë vendim, Katherine Gowing ka thënë se i vjen keq që në rrethanat aktuale nuk ma mundur të sigurojë që paratë publike po shkojnë aty ku duhet.

“Jam krenare që vazhdoj si Këshilltare e Kryeministrit për Çështjet e Komuniteteve, me koordinimin e punës jetike për komunitetet e Kosovës, ruajtjen e kushtetutës së Kosovës si një demokraci moderne funksionale dhe sigurimin që paratë publike shkojnë aty ku duhet. Më vjen keq që në rrethanat aktuale nuk ndjeva se mund ta ruaj integritetin dhe të vazhdoj të punoj me Zyrën për Çështje të Komuniteteve”, ka shkruar ajo në Facebook.

Lexo po ashtu Qeveria publikon listën me emrat e OJQ-ve dhe mediave që kanë përfituar mbështetje financiare për promovimin e të drejtave të komuniteteve

Ndryshe, ditë më parë Ministria për Komunitete dhe Kthim ka publikuar listën finale të organizatave joqeveritare, të cilat kanë përfituar mbështetje financiare përmes disa projekteve që kanë për qëllim rritjen e nivelit të punësimit të anëtarëve të komunitetit joshumicë dhe përmirësimin e kapaciteteve për të promovuar mbrojtjen e të drejtave të komuniteteve.

Janë gjithsej 57 OJQ që kanë përfituar nga thirrja publike, ndërkaq sipas ministrisë vendimi i Komisionit është i bazuar në rregulloren mbi kriteret, standardet dhe procedurat e financimit publik të OJQ-ve.