Këshilli i Sigurisë në Maqedoni: Do të formohet grup pune që do ta ndjek gjendjen me sistemin e menaxhimit të krizave

Këshilli për Siguri në mbledhjen e 13-të diskutoi për personat nga Afganistani që janë pranuar në territorin e Maqedonisë së Veriut dhe Sistemin për menaxhimin me kriza.

“Ministrat kompetent dhe përfaqësuesit e institucioneve informuan për aktivitetet e deritashme të personave të pranuar nga Afganistani për të cilët janë bërë kontrollet e domosdoshme të sigurisë”, thuhet në njoftimin e Kabinetit të presidentit Pendarovski.

Sa i përket pikës së dytë, Këshilli për Siguri i propozoi Qeverisë që të formohet grup pune që do ta shqyrtojë gjendjen me sistemin me menaxhimin me kriza.

“Duke marrë parasysh gjendjet me zjarret, grupi i punës do të propozojë masa konkrete me qëllim që Sistemi me menaxhim me kriza të jetë më funksional dhe më efikas”, thuhet në njoftimin e Kabinetit të presidentit Pendarovski.

Krahas anëtarëve të Këshillit për Siguri, me ftesë të presidentit Pendarovski morën pjesë edhe drejtori i Agjencisë për Siguri Nacionale, Viktor Dimovski, Drejtori i Agjencisë për Zbulim, Erold Musliu, drejtori i Qendrës për Menaxhim me Kriza, Stojançe Angellov, drejtori i Drejtorisë për Mbrojtje dhe Shpëtim, Bekim Maksuti dhe koordinatori nacional për zbatimin e Platformës nacioanle për zvogëlimin e rreziqeve nga skidentet dhe katastrofat, Zoran Petrov./Telegrafi/