Këshilli Opozitar: Do vazhdojmë me betejën kundër regjimit kriminal OBRM-PDUKM-BDI (Foto)

Në një komunikatë për media, drejtuar nga Këshilli Opozitarë për Telegrafi Maqedoni ka shkruar për qëllimet e Këshillit Opozitar dhe protestën e 9 Majit.

Duke qenë se Këshilli Opozitar e dëgjon zërin e popullit – kryesisht atë të rinisë shqiptare – e jo atë të politikanëve që idealin e popullit e barazojnë me ardhjen e tyre në pushtet, e informojmë publikun se ky Këshillit do e intensifikojë veprimtarinë e vet, duke e ngritur lartë zërin e pakënaqësinë së popullit nëpër të gjitha vendbanimet shqiptare në Maqedoni.

Këshilli Opozitar gjithashtu e njofton publikun se protestat e 9 majit nuk ishte fundi, por vazhdimi i betejës kundër së keqes, se kjo protestë madhështore arriti të dëshmojë se BDI dhe PDSH, nuk janë zëri legjitim i shqiptarëve të Maqedonisë, si dhe të tregojë se populli e dinë se këto dy parti – si edhe satelitët e tyre ‘opozitar’ – janë në shërbim të nëntokës politike maqedonase, të kontrolluar nga VMRO-DPMNE- ja.

Në vazhdën e protestave, më 14 maj është njoftuar protestë nga Lëvizja Besa-Zvicër. Protesta do të zhvillohet në Helvetiaplatz të Zurich-it. Protesta fillon ora 18:00. Kjo protestë është në mbështetje të protestës së 9 majit në Shkup. ‘Eja të protestojmë së bashku’, është motoja e protestës së 14 majit në Zvicër. /Telegrafi/