Kërkohet llogari për dështimin e bisedimeve për reforma në mediume

Shoqatat e gazetarëve në Maqedoni kanë kërkuar takim me kreytarin Gjorge Ivanov, kryetarin e kuvendit, Trajko Veljanoski, dhe liderët e katër partive politike nënshkruese të Marrëveshjes së Përzhinos, transmeton Telegrafi Maqedoni.

Këto shoqata kërkojnë sqarime përse kanë dështuar bisedimet për reformat në mediume dhe u bëjnë thirrje liderëve politik të respektojnë Marrëveshjen e Përzhinos, ku janë përfshirë edhe reformat në mediume.

Ata insistojnë që SHBA-të dhe BE-ja të përfshihen në bisedimet, si edhe deri tani, kurse propozimi i tyre të jetë baza nga ku do të kërkohet një zgjidhje. Shoqatat e gazetarëve janë të vendosur që të shfrytëzojnë të gjitha të drejtat demokratike për të bërë trysni për reformat në mediume, nëse nuk do të arrijnë që t’i ulin liderët politik në tavolinë.

Në këto shoqata përfshihen Shoqata e Gazetarëve të Maqedonisë, Sindikata e Gazetarëve, Instituti Maqedonas për Media, Këshilli për Etikë të mediumeve dhe Instituti për Studime Komunikimi./Telegrafi