“Ke zbardhur lëkurën!”: Serena Williams zbulon të vërtetën

Serena Williams mohoi thashethemet se ajo ka zbardhur lëkurën e saj ndërsa iu kundërpërgjigj “urryesve” që akuzonin se e ajo e kishte kryer atë procedurë

Gjatë një Live në Instagram të hënën, 2 dhjetor, kampionia e tenisit, 43 vjeç, adresoi pretendimet se ajo ndryshoi qëllimisht ngjyrën e saj pasi kohët e fundit ndau një video të saj në një ngjarje shkollore me bashkëshortin e saj Alexis Ohanian dhe dy vajzat e tyre.

Ndërsa po bënte një tutorial grimi për markën e saj Wyn Beauty, ish-atletja pa mundësinë e përsosur për të sheshuar këtë temë.

“Dhe tani po vendos vetëm këtë ngjyrë neutrale, që është në të vërtetë ngjyra e lëkurës sime, dhe jo, për ju që urreni atje, unë nuk e zbardh lëkurën time,” tha Williams ndërsa aplikonte fondatinën e saj.

“Ka një gjë që quhet rrezet e diellit, dhe në atë dritë dielli, ju merrni ngjyra të ndryshme,” vazhdoi ajo.

Ylli i tenisit shpjegoi se ajo ishte vullnetare në lojën e vajzës së saj në videon tashmë virale nga fundi i nëntorit kishte vendosur “makijazh skenik” kur ajo regjistroi klipin.

“Po, unë po ju kundërpërgjigjem për këtë sepse është qesharake,” tha Williams, përpara se të deklaronte se është krenare për atë që është.

“Të gjithë thonë, ‘Oh, ajo zbardhi lëkurën e saj.’ Unë jam një grua e zezë dhe e dua atë që jam dhe më pëlqen mënyra se si dukem”, vazhdoi atletja profesioniste, duke shtuar se ky lloj ndryshimi “thjesht nuk është gjëja ime”.

Williams nuk ka probleme me të tjerët që mund të zbardhin lëkurën e tyre, por ajo përsëriti se nuk është një procedurë që ajo është e interesuar ta bëjë.

“Dhe nëse njerëzit e bëjnë këtë, kjo është puna e tyre. Unë nuk gjykoj, por ju e bëni”, përfundoi ajo.

View this post on Instagram

A post shared by Serena Williams (@serenawilliams)