Katy Perry përballet me krahasime me Taylor Swift për shitjet e biletave të turneut

Turneu i ri botëror i Katy Perry-t, “The Lifetimes Tour”, ka ngjallur diskutime të shumta në rrjet, kryesisht për krahasimet me suksesin e jashtëzakonshëm të Taylor Swift dhe turneut të saj “Eras”.

Katy, e cila nuk ka zhvilluar një turne që nga viti 2018, do të performojë në 83 qytete në mbarë botën, nga Meksika në Madrid.

Megjithatë, raportime të fundit pretendojnë se shitjet e biletave po ecin më ngadalë se sa pritej, veçanërisht në disa vende evropiane dhe qytete amerikane si Minneapolis dhe Raleigh, shkruan DailyMail.

Një burim tha për The US Sun se pritjet ishin të larta, por interesi i publikut nuk ka qenë në nivelin e dëshiruar, duke shkaktuar shqetësime për mbushjen e arenave. Madje, janë ngritur spekulime për mundësinë e anulimeve të disa datave të koncertit.

Në përpjekje për të gjallëruar turneun, Katy Perry ka ftuar këngëtaren virale Rebecca Black, e njohur për hitin “Friday”, për t’iu bashkuar turneut të saj.

Ky vendim ka ngjallur reagime të përziera, me disa fansa që e shohin si një përpjekje të dëshpëruar për të tërhequr më shumë vëmendje.

Ndërkohë, flitet se Katy ka kërkuar këshilla nga Taylor Swift për menaxhimin e turneut, duke marrë parasysh miqësinë e tyre të rikthyer pas një periudhe rivaliteti.

Pavarësisht sfidave, këngëtarja mbetet optimiste për suksesin e “The Lifetimes Tour”. /Telegrafi/