Katy Perry flet për mënyrën se si i humbi 9 kilogramë

Këngëtarja ka pësuar një ndryshim në trupin e saj muajt e fundit dhe kjo nuk e ka penguar që transformimin dhe sekretin për këtë ndryshim ta ndajë virtualisht me të tjerët

Katy Perry ka humbur 9 kilogramë duke hequr dorë nga sheqeri dhe ushqimet e përpunuara, ndërkohë që ka nisur të stërvitet rregullisht me të fejuarin, Orlando Bloom.

Në një postim në Instagram, ajo ka detajuar regjimin ditor, krahas disa sekreteve të vogla në mënyrën e të ushqyerit dhe stilin e jetesës.

Këngëtarja e “Roar” zbuloi se konsumon disa vezë në ditë, duke zgjedhur një ushqim të pasur me proteina në vend të opsioneve të tjera jo të shëndetshme.

“Unë ha shumë vezë të ziera, sepse ato janë një burim i shkëlqyer i proteinave,” tha ajo teksa qëndronte përpara një tavoline plot me ushqime të shijshme.

Gjatë videos, Katy shihet duke plasaritur një vezë të zier në ballë, teksa ulet në karrige dhe merret me flokët dhe grimin.

View this post on Instagram

A post shared by KATY PERRY (@katyperry)

Katy përpiqet të ndjekë shembullin e Orlando-s duke ngrënë ushqime të shëndetshme si mish pule ose peshk dhe shumë fruta, perime dhe arra.

Në vazhdën e detajeve që ajo jep në video, artistja tha se e nis duket gjithmonë me një gotë ujë dhe uthull molle, e më pas me një gotë lëng selinoje.

Vaktet e tjera të ditës janë të gjitha të shëndetshme, duke nisur nga sallatat, pulën e pjekur në skarë, pastat dy herë në javë dhe shumë fruta.

Epo, urime për vullnetin Katy! /Telegrafi/